انا عايز الجنة وكفى

تخيل صديق مظلوم مضطهد برئ طلب منك مساعده لوجهة الله بس ممكن تتعرض لمساءلة هتصدر له؟ !!!!
اكيد هتفكر الف مرة قبل ما تقدم على الخطوة ده!!!
بس اهل يثرب لهم كلام تاني 70 رجل وامراتان
جاؤوا للرسول وقطعوا 500 كيلو!!!
ليبايعوه على الطاعة وحمايته والدفاع عنه معرضين انفسهم واهليهم لمخاطر عظيمة قد تصل للذبح !!!
على الرغم من ذلك لم يوعدهم الرسول لا بمال ولا سلطة !!!!
عارفين وعدهم باية؟!!
الجنة !!!!
بيعوا الرسول على الشهادة والايذاء والاضطهاد
ربح البيع
ايوة هتعمل الخير  للاهل والاصدقاء بحب وضحي بوقتك ومالك لله !!!
هيستغربوا !!!!!

هيقولوا في نفسهم عايز مقابل منا اية محدش بيعمل حاجة لله؟!!
انا مش عايز منكم  حاجة !!!!
انا عايز من الله الجنة وكفى !!!

عيش من اجلها وتشبة بالداعية الاعظم الحبيب المصطفى وصحابته الكرام
سيعطيك الله طاقة ايجابية مهولة تقدر تقاوم بها الكرة والجهل وتزرع الحب والخير لكل الناس!!!!!!

خشع الكون كله لله

ولد الحبيب المصطفى فخشع الكون كله لله!!!
وابت النار ان تشتعل لكسرى!!!!
واهتز عرشه فرحا لقدوم الحبيبب!!!
وآذان لزوال ملك الظالمين
رحمة للعالمين وان ظلموه وان آذوه وان اخرجوه!!!!
يكن لهم الحب والرحمة والشفقة وان كرهوه!!!!
قومي لا يعلمون نعمة لا اله الا الله
أصبر عليهم أدعوا لهم وان آذوني عسى ان يخرج من اصلابهم من يعبد الله لا يشرك به شيئا
فَبِمَا رَحْمَةٍ مِّنَ اللَّهِ لِنتَ لَهُمْ ۖ وَلَوْ كُنتَ فَظًّا غَلِيظَ الْقَلْبِ لَانفَضُّوا مِنْ حَوْلِكَ
اجعل الحبيب قدوة لك ولين لزوجتك وأولادك واخوانك وجيران تكن قريب من الحبيب قريب من الرحمن قريب من الاحباب وتفوز بالجنان

نور اضاء الكون في وضح النهار

نور اضاء الكون في وضح النهار!!!!!!!!
فابصر البشر وانكشف الحق للعالمين!!!!!!
بعد ان ظن البشر انهم يروا بعيونهم!!!!
ظهر الحبيب فأنار قلوبهم !!!!!
ورفع الغشاوة عن العيون!!!
اعلمهم بنور الله الوضاء المتلألأ
برحمة وقلب كبير الن قلوب قاسية
فنكسرت لرب العالمين
صبر عظيم وورع ووقوف وسجود يدعوا لأمته بالرحمة والقبول من الله رب العالمين!!!!
انه الحبيب المصطفى المغيث القريب منك ومن امك وابوك وزوجك واولادك فله صلي ودعوا له بالوسيلة والفضيلة والمقام الاعظم !!!

الجمال المزيف

البنت اول ما تشب تحط ميكياج وفرحانة بيه!!!!!
ده هيققلل جمالك!!!!!!
وللاسف هتتعودي عليه وشكلك هيتغير بعد ما كنتي جميلة جمال رباني!!!!!!
التدخل في خلقة ربنا يؤذيكٍ الم تسمعي قول الله تعالى
لَقَدْ خَلَقْنَا الْإِنسَانَ فِي أَحْسَنِ تَقْوِيمٍ 
جمالك الطبيعي اجمل واوقر واخشع لله!!!!! حافظي عليه يحفظك الله ويرزقك بزوج صالح يقدر جمالك الطبيعي مش المزيف!!!

الخوف على ولادنا

نخاف على مستقبل ولادنا !!!!
نخاف من المستقبل من المجهول !!!!!
نخاف على اكل عيشنا !!!!!!
فهلا خفت يوما من ذنوبك وفجورك
لا تخف الا من الله فالكل يفنى ولا يبقى الا سيد الكون فله اخشع وله اركع واسجد

الهدف

خلي عينك على هدفك ووفر له الوقت والمجهود واستصغر اي شئ بتحبه يعوقك عن تحقيق هدفك وتذكر شئ واحد سعادتك واحترامك لذاتك وثقتك بنفسك ونظرتة الناس ليك وانت ناجح مرموق تهون عليك تعب وسهر اليالي فتعلوا همتك وعزمتك  انت الاول مترداش باقل من كده!!!!

الظلم

صديقك لما تزعل منه تعاتبه!!!!!
ولكن لو اهملته ولم تعطيه فرصة يدافع عن نفسه أو حتى يعتذر!!!!!
اكيد عمل جرم كبير اكيد ظلمك ظلم عظيم!!! هكذا الله لا يرضى بالظلم ولا يقبل اعتذار الظالم ده كمان هيهمله مش هيعتبه الم تسمع قول الله تعالى بسم الله الرحمن الرحيم فَيَوْمَئِذٍ لَّا يَنفَعُ الَّذِينَ ظَلَمُوا مَعْذِرَتُهُمْ وَلَا هُمْ يُسْتَعْتَبُونَ صدق الله العظيم

سيحفظ وديعتك

ابنك الصغير تخاف تتركة يذهب لاحضار لك  حاجة !!!!!! تخاف تتركه يروح لصديقه اللي ساكن بعيد!!!!! فكيف من تركة ابنه الرضيع بلا ماء ولا زاد في مكان موحش لا حياة فيه!!!!
اجعل  يقينك في الله  سيحفظ وديعتك ويرعها ويردها لك سالمة فتكن من الموقنين!!!

ثق في الله

عندما تضيق عليك الدنيا ويصيبك الهم والغم والقلق وقلة النوم من كثرة التفكير تذكر انك سبب ووسيلة ولست المسبب الرازق فلا تقلق فالموت ياتي فجاة فكن اهلا لها وكن وسيلة ناجعة من وسائل الله شاكر حامد راضي برزقه نشيط مؤثر دؤوب منتج ناجح يحبك الله ورسوله والناس اجمعين!!!

انت طبيب نفسك

مش لما تتعب مش بتخد دواء!!!!
ولو الدواء منفعش ولسه تعبان 
مش بتدور على دكتور شاطر تروح له
عندك مشكله في البطن في القلب في العين لا قدر الله
مش هتتاخر وتعالج نفسك حتى لو كلفك تعبك مئات الجنيهات مش كده !!!!!
طب لما تلاقي نفسك بتحب الاغاني وتسعد وتتلذذ بها
لما تلاقي نفسك حزين وصدرك ضيق!!!!
لما تلاقي نفسك عندك ملل ومفيش حاجة تعجبك!!!
لما تلاقي نفسك مش قادر تسمع قرآن
لان قلبك مش حاضر!!!!
لما تلاقي نفسك بتتنرفز من اقل كلمة
ومش قادر تسمع حد او تساعد حد !!!!
لما تلاقي نفسك مش سعيد
ومش قادر تسعد اللي حوليك
اعرف ان قلبك اسود ميت لا حياة فية !!!!
محتاج دكتور محتاج حد ياخد بايدك
ومفيش احسن من كلام الله!!!
الم تسمع قول الله تعالى
الَّذِينَ آمَنُوا وَتَطْمَئِنُّ قُلُوبُهُم بِذِكْرِ اللَّهِ ۗ أَلَا بِذِكْرِ اللَّهِ تَطْمَئِنُّ الْقُلُوبُ
احي قلبك ايها العبد الفقير بذكر الله
سيطمئن قلبك ويلين وينكسر
ويرق لكلام الله واوامره ونواهية
اجعل لك ورد بذكر الله في الصباح قبل ما تروح الشغل
او وانت في طريقك للعمل وقبل المغرب عيش مع كلمات الله الرقيقة العذبة
تحي قلبك وتجعله رقيق مرهف الحس
فيلين قلبك ويسبح مع كلمات الله
فتكون لك نجاة وفلاح وقرب من الله ورسوله
فتلين لك القلوب وينساق لك العباد
فلا تنسى ذكر الله فينساك الله في يوم
لن ينفعك فيه الا ذكره
فزد ولا تنقص فالله يسمع ويرى !!!

مش هذل لحد

تخيل لو طلبت خدمة من صديق !!!
ًهتكسف تطلب منه تاني !!!
ولو طلبت خدمة من مسؤول
شوف بقى التعب والوسطات المهوله
علشان توصل اليه
وممكن مينفذش طلبك اصلا
ولو حصل ونفذ طلبك 
هتتكسف تطلب منه خدمة تانية !!! مش كده!!
حتى لو انت خيٍّر كريم مع الناس
بس ليك طاقة !!!!
هتضايق من الزنان!!!!
اللي بيضغط عليك ومطالبه كتيرة!!!!
ولو اخوك استضافك عنده يوم
هتلاقيه كشر في وشك اليوم التاني!!!
وطبعا حماتٍك لو جت عندٍك يومين هيبقوا.....!!! مش كده !!!
هكذا الانسان ثقيل ومطالبه كثيييير اوي
واحنا ملناش طاقة للمناهدة دي !!!!
بس ربنا لو طلبت منه مرة واتنين وتلاتة وعشرة!!!
في الصبح أو بالليل بابه مفتوح
هيسمعك باهتمام مش هيزهق منك ابدا!!!
ده انت كل ما تطلب منه هيسمعك باهتمام وهيعطيكك كمان حسنات على كل كلمه تقولها له وحده !!

الم تسمع قول الله تعالى
وَقَالَ رَبُّكُمُ ادْعُونِي أَسْتَجِبْ لَكُمْ ۚ إِنَّ الَّذِينَ يَسْتَكْبِرُونَ عَنْ عِبَادَتِي سَيَدْخُلُونَ جَهَنَّمَ دَاخِرِينَ 
الله رب الكون كله يعرض عليك ايها العبد الضعيف
اطلب منه مش هيتأخر عليك  في اي وقت محدش هيسمع شكوتك الا هو
مفيش ذُل لبشر بعد اليوم
مفيش مماطله ولا تأخير
ولا هتحتاج وسطة ولا وسيط
ولو اقرب الاقربين من الله
بابه مفتوح لك وحدك
واستجابته مش هتاخد اجراءات طويلة وموافقات طويلة 
هيستجيب لك على الفور
خلي كلامك مع الله
فيسُخر لك البشر والشجر
والملائكة والكون كله
حتى يقضي حاجتك
فكن على يقين!!!

خطط لبكرة

الامل والطموح وحب التغيير للافضل ده صفة من صفات الانسان كلنا بنبحث عن حياة افضل
اللي عنده عجلة عايز اتنين ّ
واللي عنده عربية عايز الاحدث
واللي موظف عايز يبقى مدير
واللي عنده شقة عايز يكبرها
واللي عنده زوجة بيدور على التانية!!!!ّ
واللي عنده اولاد عايز يزودهم
واللي معاة ماجستير عينه على الدكتوراة

واللي واللي .....
كلنا بنسعى في الدنيا وعيننا على الاحسن ومش عيب ولا حرام!!!!!!!!
بس عمرك فكرت تحصد حسنات تحسن وضعك عند ربنا !!!!!!
ترجح كافة حسناتك
تسعى تعمل لنفسك صدقة جارية!!!!!
عن طريق توصيل العلم النافع للناس كل الناس
ولا تحفظ ولادك ولا ولاد اخوك القرآن
ولا تنفق من جيبك وتجيب شيخ  يحفظ ولادك ولا ولاد المسجد القرآن الكريم !!!!
ايوة اعمل لنفسك صدقة جارية بنفسك
الم تسمع قول سيدنا محمد صلى الله عليه وسلم

(إذا مات ابن آدم انقطع عمله إلا من ثلاث: صدقة جارية، أو علم ينتفع به، أو ولد صالح يدعو له)
متضمنش حد هيفتكرك بعد عمر طويل

لأ انا عايش انا اتنفسّ
يبقى اسلم نفسي للورثة اللي ممكن يبخلوا علية!!!!!
هبقى في تربتي والعداد شغال يحصد حسنات بذكائي ارتب اخرتي !!!!
ذي ما رتبت حياتي
آخرتي هي حياتي الدائمة
ففيها افكر وبها اشغل بالي
لا تتاخر ولا تبخل بمعلومة على اي انسان
ان شلة تدي دورة للشباب توصل لهم علمك
ومتبخلش بحبك وعطفك على ولادك
فهم صدقتك الجارية
ذي ما انت ناجح في دنيتك
انجح بنفس القدر لاخرتك
تنال الطمأنينة في الدنيا
والسعادة الدائمة في الآخرة 

خليك لين سهل!!!

تخيل انتم شلة صحاب خارجين!!!
قررتوا تدخلو سينما !!!!
الاغلبية طلبت فيلم معين
ولكن واحد أو اثنين صمموا على فيلم تاني
تخيل هتصرف اذاي!!!

بابا وماما قرروا نخرج نروح النادي الكل وافق وواحد مع نفسه قرر مش خارج !!!
تعقد تقنعه سنة ويبوظ الخروجه!!!!!

نتفق مع الاولاد هنروح الشط!!!
يطلعلك عفريت
انا عايز شط تاني!!!
مش جي معاكم
يرضيك يرضيك ونضيع وقت!!!!
تراجعك عن قرارك واقرارك لراي الجماعة
مش ضعف ده قمة التحضر !!!!
ما دام الاغلبية خدت قرار مش على مزاجك نفذه!!!
لان الخروج عن الجماعة هو العبط والضعف والخيبة التقيلة!!!!
حتى لو انت على حق!!!
سيدنا محمد صلى الله عليه وسلم
في غزوة أحد كان رأيه نقاتل في المدينة
بس لما لقى الاغلبية من الشباب
عايزة تخرج تواجه العدو نزل على رأيهم
مع انه غلط
بس بيعلمنا معنى جميل
هوافق على راي الجماعة
حتى لو هيخالف راي سيد الخلق
واسمع ربنا قال اية لسيدنا محمد بعد الهزيمة

فَاعْفُ عَنْهُمْ وَاسْتَغْفِرْ لَهُمْ وَشَاوِرْهُمْ فِي الْأَمْرِ ۖ
متزعلش يا رسول الله من الهزيمة
ومش بس كده واعفوا عنهم وعن قرارهم الخاطئ
ومش بس كده
واستمر في مشاورتهم
حتى بعد الهزيمة!!!
عرفتوا خليكم مع راي الاغلبية حتى لو خطأ واعرض وجهة نظرك بأدب
ممكن ميخدوش بيها اليوم
بس غدا لما يتأكدوا انها الاصح
هيسمعوا ليك وينفذوا وجهة نظرك عن طيب خاطر
هي ده الديمقراطية اللي بنبحث عنها!!!! في بيوتنا ومؤسستنا وحتى مع أصحابنا !!!

لا اله الا الله

        

لا اله الا الله يطمئن بها قلبي
لا اله الا الله يزول بها همي
لا اله الا الله ينطق بها لساني
لا اله الا الله تسعد بها نفسي
لا اله الا الله من اجلها نتنفس
لا اله الا الله نتمنى ان ينطق بها العالمين
لا اله الا الله امانة الله لنا
لا اله الا الله ندخل بها الجنة
لا اله الا الله من اجلها نتحمل الصعاب
لا اله الا الله تتعطر بها جوارحي
لا الله الا الله تشفع لي عند ربي
فلا تنساها فهي ثقيلة كالجبال
تُعدل بها كفتك وتُسرع لك جنتك

يا بخت اللي عنده مبدأ

عندك مبدأ !!!!
طب تقدر تدفع حياتك
كلها علشان متتنازلش عنه!!!!!
تقدر تتنازل عن فلوسك
كلها علشان تحقق هدفك!!!!!
طب تقيد حريتك في سبيل غايتك!!!!!
ّانا مش بقول خيال او لوغرتمات!!!!!
الحقيقة هو ده اللي فعله سيدنا صهيب الرومي
كان غني تنازل عن كل ماله للكفره
علشان يحقق غايته ويهاجر الى رسول الله صلى الله عليه رسلم
بهذه الروح العالية اللي عارفه عايزه اية
تنزل الآيات الكريمات لتخلد هذا الحدث الفريد
وَمِنَ النَّاسِ مَن يَشْرِي نَفْسَهُ ابْتِغَاءَ مَرْضَاتِ اللَّهِ ۗ وَاللَّهُ رَءُوفٌ بِالْعِبَادِ  صدق الله العظيم
فيستقبله رسول الله صلى الله عليه وسلم
ربح البيع ربح البيع ابا يحيا
بيعت نفسك لله وقبل منك وفوزت بالصفقة وخلدت في القرآن لتكون مثل وقدوة لمن خلفك !!!
اللهم ارزقنا همة مصعب
واستخدمنا لوأد الفساد
واحقاق الحق وان نصبر عليه
        

أهل نفسك وخليك ادها

لما تروح تستلم وظيفتك
بتلاقي موظف اقدم منك او Hr
بيشرح لك وظيفتك والمخاطر اللي ممكن تتعرض ليها وكيفية التغلب عليها ّ
وخبرتك ومهارتك هتبان في المواقف الصعبة  وتلاقي موظف مخضرم كده
يقولك خد بالك لازم تتطاتي للمدير
وبلاش تعمل مشاكل مع الموظف ده
لحسن بتاع مشاكل
ولا تروح مشوار اول مرة تروحه
تلاقي صديقك اللي راحه مرات بينصحك امشي من هنا وهدي هنا وطول بالك في الحتة ده
لان الواحد اعمى لو كان بصير
لو راح مكان جديد
تخيل ربنا عمل اية مع سيدنا محمد
علشان يعده لحمل الرسالة العظيمة !!!!!
اللي اشفق منها السموات والارض
وأبين ان يحملنها وحملها رسول الله صلى الله عليه وسلم
اعده على عينه
وعاة ووساة ونقل له خبر الرسل السابقين
وما تعرضوا له من رفض ونكران وجحود واستهزاء
ليسري عنه ويعلمه ويوعيه
هيحصل فيك كده!!!!
متتفجأش ولا تضطرب لكن
كما في قوله تعالى
تِلْكَ مِنْ أَنبَاءِ الْغَيْبِ نُوحِيهَا إِلَيْكَ ۖ مَا كُنتَ تَعْلَمُهَا أَنتَ وَلَا قَوْمُكَ مِن قَبْلِ هَٰذَا ۖ فَاصْبِرْ ۖ إِنَّ الْعَاقِبَةَ لِلْمُتَّقِينَ 
هحكي لك اخبار الامم السابقة وما تعرضوا له الرسل من اذى وظلم
فلا تقلق يا رسول الله
ستنصر باذن الله
ووصاة بكلمة واحدة
فاصبر والنصر لك وللمتقين من بعدك
عرفت ايها الداعية
مطلوب منك
تصبر على اذى الناس وقسوة قلوبهم واعراضهم وسخريتهم واستهزائهم
لتأخذ بهم من الظلمات الى نور الهداية فتتشبه برسول الله صلى الله عليه وسلم  وتكن جندي من جنود الله
رسول تنقل الخير والرحمة للعالمين

يا لها من تشريف عظيم لك فالله يسمع ويرى فجعله يبهر باخلاقك ولا تكن من الخاسرين

اخوك الكبير دمه ثقيل !!!!!!

اخوك الكبير دمه تقيل!!!!!
مش كده !!!صح!!!

هتقول هو احسن مني في اية !!! هه!!!!
معاة موبيل معاية ذيه!!!!
بيجب درجات حلوة !!!
بجيب ذية !!!
ابوية بيحبني ذية !!!
ليه صحاب كثيير ذيه
لية بقة بيحاول يفرض رأيه عليه !!!!!
على فكرة بقة بفهم ذية
مش هقول احسن منه!!!
حبيبي الانسان الذكي
اللي بيصاحب اللي اكبر منه
هيتعلم منه ويا سلام لو اشطر منه
هيبقى صحبته طيبه
لو عنده حماسة وهمه عالية ومن الاوائل هيطبع عليك حمسته وقوته وشطارته وهيعطيق الهمه والقدوة الحسنة
وعلى فكرة من حسن حظك
انك ليك اخ كبير !!!!!!!!!
تستقي منه تجربته وخيرته في الحياة
مش عيب انك تتعلم منه!!!!
العيب انك تقدر تتعلم منه
وتعند وتعمل عكس كل حاجة صح هو اتعلمها وانت عايز تخالفها وخلاص!!!!!
ثق في نفسك
اخوك لما كان في سنك
كان اقل منك خبرة وشطارة عارف ليه
لانه ملقاش اخ اكبر يلعب معاة
ويستقي منه الخبرة
اللي هو بينقلهالك على الجاهز!!!
احترم اخوك الكبير
هتكسب ثقته وحبه وتبقوا ايد واحدة
وتاخد حسنات ورضا الله عليك
وانت يا اخوة الكبير !!!
طول بالك على اخوك الصغير
وكن واصل للرحم
الم تسمع حديث رسول الله
الرّحم معلّقة بالعرش تقول من وصلني وصله الله ومن قطعني قطعه الله
كن واصل للرحم يصلك الله
ويقترب منك ويكون عونا وظهيرا لك
فكن على يقين

متقلدش حد وخلاص!!!!

بنشوف بنات كثير مسيبة شعرها !!!!!
ولا متحجبة
بس لابسة بنطلون ماسك قويّ !!!!!
ولا النصيبة التالتة اللي حطة طن مكياج
مع ان جمالها الطبيعي مفيش اجمل منه
بس تقولك كله بيعمل كده هي ده الموضة يعني لو الموضة انك تمشي عريانة هتعمليها !!!
لبسك وهيئتك عنوان اخلاقك
كلما تمسكتي بالقيم والذي الحشم الشيك !!!!
كلما احترمك الناس وقدروك ّ
وحتى الشباب المتهور هيبعد عنك
لان ربنا هينزل عليك وقار وهيبة !!!

وتلاقي الولد من دول ملغبط في شكله ومقضيها قهاوي  ومهمل في مذاكرته
ومهمل في صحته ويتعاطى اشياء
تجي تنصحة يقولك الكلمة الشهيرة
كله بيعمل كده
هو انا احسن من الناس
ذي ذيهم الزمن اتغير!!!!!
ارد عليه بقول الله تعالى
يَا أَيُّهَا الَّذِينَ آمَنُوا عَلَيْكُمْ أَنفُسَكُمْ ۖ لَا يَضُرُّكُم مَّن ضَلَّ إِذَا اهْتَدَيْتُمْ ۚ 
مهما كان الفساد مهول والصلاح قليل
انت مالك
خلي بالك من نفسك قومها وحافظ عليها يحفظك الله من زمهرير يوم القيامة
وساعتها همه اللي هيتمنوا يبقوا مكانك
بس فات الاوان!!!!!
وانت فزت بالجنان!!!!!

اصبر على اخوك

التنازع والاختلاف في وجهات النظر!!!
والتناحر بالكلام يقسي القلب!!!
ويزرع الكراهية في القلوب!!!! 
قد تختلف في موضوع
وتكون انت على حق !!!!
ولكن الاختلاف هو الباطل !!!!
الذي يدحض الحق
ويقضي عليكم انتم الاثنين!!!!
يتنازع الاخ واخوه وبعد فترة
تسألهم اية سبب الاختلاف !!!
مش بعيد تلاقيهم نسيوا اصلا!!!
ولا يبقى الا الفرقة والضعف!!!!
ممكن الاخ يعيش ويموت
وميقولش لاخوه كلمه حلوة
ولا يحضنوه ويبكي على كتفة
خلي وجهة نظرك لنفسك بلاش تزعل بيها اخوك
وانت احتفظ بوجهة نظرك لنفسك
هتختلفوا بسبب الكورة تغور!!!
بسبب السياسة تغور!!!!
بسبب الميراث يذهب للجحيم!!!
اتحادك مع اخوك وابوك وابنك وزوجتك وصديقك
احب الى الله من اي اختلاف
يفتتكم ويقلص قوتكم
الم تسمع قول الله تعالى
وَاعْتَصِمُوا بِحَبْلِ اللَّهِ جَمِيعاً وَلا تَفَرَّقُوا
احترم اخوك الكبير وانزل على رأية حتى لو غلط هتكسب أخوك
وتصبحوا انتم الاثنين اقوى واحب الى الله
تفرقنا بداية نهايتنا
واتحادنا واعتصمنا بحبل الله قوة
وفرض علينا من الله
ان نسمع اوامره ونتبعها
فننال رضا الله ورسوله
واحترام العدو قبل الصديق !!! 

حبه ليك بلا حدود

حبك وعطفك وعطاءك
هتديه لأقرب الناس ليك ابوك وامك واخوك واختك
وطبعا ولادك وزوجتك
وممكن يكون قلبك كبير
يشمل بعض اصدقاءك وزمايلك وجيرانك
يزيد وينقص حسب قربهم ليك ومبادلتهم حبهم ليك
بس مش ذي ربنا
حب ربنا ملوش حد يشمل كل الناس
حبه ليك رحمه بيك
بس الرحمه ده اكيد لليستاهلها
مش اي حد
اللي يتقي ربنا ويدفع زكاته ويقر ويعترف ويستسلم وينكسر لعظمته وآلائه التي لا تحصى ولا تعد

الم تسمع قول الله تعالى
وَرَحْمَتِي وَسِعَتْ كُلَّ شَيْءٍ ۚ فَسَأَكْتُبُهَا لِلَّذِينَ يَتَّقُونَ وَيُؤْتُونَ الزَّكَاةَ وَالَّذِينَ هُم بِآيَاتِنَا يُؤْمِنُونَ
متخيل نفسك ربنا يكتب اسمك عنده
فلان ابن فلان رحمتي شملته
مهما يروح ويجي
ده عبدي حرمت جسده على النار
مش هحاسبه هدخله الجنة بدون حساب او سابقة عذاب
مالك مستني اية هيشملك برحمته
بس انت كون عند حسن ظنه بيك!!!!

 

عايز الناس تلتف حوليك !!!!!

مالك مش طايق نفسك لية !!!!
تخش البيت تشخط وتنتر
وتكهرب ولادك بدل ما تستقبلهم بابتسامة
تروح الشغل تكشر في وش العملاء
وكأنهم بيشحتوا منك
أقل كلمه بقصد أو بدون
تشد اللي قدامك وتتنرفز عليه لاتفه الاسباب
ماشي بالعربية عايز تتخانق مع دبان وشك
مش عايز تتعاون مع زميلك
وعايز تمشي رأيك بالعافية !!!
وبتشتكي الناس بتنفض من حولية لية !!!!!
ده مش اخلاق
الم تسمع قول الله تعالى
فَبِمَا رَحْمَةٍ مِّنَ اللَّهِ لِنتَ لَهُمْ ۖ وَلَوْ كُنتَ فَظًّا غَلِيظَ الْقَلْبِ لَانفَضُّوا مِنْ حَوْلِكَ
تشبه بسيدنا محمد وطول بالك على اهلك وجيرانك وزوجتك واصحابك
تكسب القلوب وتنال حسنات كالجبال
بالحب بالابتسامة مش هتكلفك حاجة!!! وهتعلمك اذاي تصبر على الناس واذاهم
فتتجمع الناس حوليك حتى لو مش بتحبهم فيباهي الله بك الملائكة ويكتب اسمك فى اعلى عليين فلان ابن فلان يلين لعبادي ويتشبه برسول الله صلى الله عليه وسلم
هه هتلين علشان ترضي ربنا
وتبطل نرفزة على عباد الله
فتستحوذ على القلوب والعقول !!!!

متخدش اكثر من حقك

مالك قلبك قاسي ليه !!!!
حقك عايز تاخده تالت ومتلت
طب تدفع اللي عليك معلش شوية كدة!!!
معاك معاك
امال مطنش ليه !!!!!!!!
تشتري من السوق تفاصل وتقرف الست الغلبانة !!!!!
ولما تاخد بضاعتك عايز زواده!!!!!
تلعب وتغيب وتدلع في شغلك!!!!
  ويوم القبض مش عايز يتخصم منك جنيه !!!!!

التاجر عايز يبيع سلعته باعلى سعر ويشتكي من الغلاء !!!!!
فيصدق عليهم قول الله تعالى
فَأَوْفُوا الْكَيْلَ وَالْمِيزَانَ وَلَا تَبْخَسُوا النَّاسَ أَشْيَاءَهُمْ وَلَا تُفْسِدُوا فِي الْأَرْضِ بَعْدَ إِصْلَاحِهَا ۚ ذَٰلِكُمْ خَيْرٌ لَّكُمْ إِن كُنتُم مُّؤْمِنِينَ
وفي موضع آخر
وَتَبْغُونَهَا عِوَجًا
مش بتدي الناس حقوقها ليه ؟!!
بتحب تاخد اكثر من حقك ليه ؟!!!
بتبخس الناس حقوقها ليه؟!!!
أنت عايزها كدة عوجة
مصلحتك مع الباطل
مصلحتك وسلطتك وعزوتك ونفوزك
انها تبقى عوجة تبقى فاسدة
مخوخة لا حياة فيها
فوق لنفسك وانقذها !!!!
وانقذ زوجتك واولادك قبل الطوفان
قوم مدين اخذوا ولم يبقى منهم الا الحسرة والندامة عاشوا ليأخذوا أكثر من حقهم
فستحقوا ان يمحوا عن بقرة ابيهم الى يوم القيامة
كن مع الحق فلا خير الا فيه!!!

اوعى تبقى جاهل!!!

ساعات كثير نشوف ناس محترمة
ونفتكر انهم مبسوطين
مع اننا لو شغلنا عقلنا شوية
وتحسسناهم عن قرب هتلقيهم غلابة
اولادهم كثير بيصرفوا على ابوهم وامهم سابوا شغلهم مرتبهم بسيط
بس الحياء يمنعهم من السؤال
وستر ربنا عليهم يغطيهم
علشان كده انا بقولكم اللي بيطلب منك مساعدة
سقط الحياء من وجهه فسهل يدبر أموره من اي جمعية واي شخص
ولكن دورك انت ان تصل للمحتاج وتحسس اقرب الناس اليك لان محدش هيوصلهم ويعرفهم الا انت !!!!
متستسهلش وتودي فلوسك لاقرب جمعية وتخلص نفسك!!!!

الم تسمع قول الله تعالى
يَحْسَبُهُمُ الْجَاهِلُ أَغْنِيَاءَ مِنَ التَّعَفُّفِ تَعْرِفُهُم بِسِيمَاهُمْ لَا يَسْأَلُونَ النَّاسَ إِلْحَافًا ۗ
اللهم لا تجعلنا جهالا بعبيدك الفقراء
واجعلنا مبصري القلوب والعقول بهم
هتتعب شوية  بس هتخفف كثيير عن اقرب الناس ليك !!!!!!

انت وحدك!!!!

يقولك اية اهم حاجة
تجيب واد يحمل اسمك!!!!!
ولازم يبقى عندك عزوة متبقاش هفق!!!!!
ويا سلام بقة لو معاك اصول ورصيد في البنك
ولا ليك ظهر وسلطة تقف بيها في وش التخين!!!!
بس للاسف كل ده يوم القيامة مش هينفعك
الم تسمع قول الله تعالى

وَلَقَدْ جِئْتُمُونَا فُرَادَىٰ كَمَا خَلَقْنَاكُمْ أَوَّلَ مَرَّةٍ

ولا هتعرف تستعين بصديق
ولا هينفعك مالك ولا عزوتك
كله هيجري منك ولن يبقى معك الا عملك الصالح
فجعل حياتك كلها عمل صالح
ولادك اصنعهم لله فيكونوا في رصيدك الى يوم القيامة
واجعل مالك وقوتك وعزوتك
لخدمة دين الله
ساعتها اقولك ستنجوا باذن الله
فلا حياة لك الا في خدمة دين الله تعالى
ستموت وحدك وستبعث وحدك
بلا ونيس ولا انيس
فلا تتمسك بوهم لن ينجيك يوم القيامة!!!!