الغربة الحقيقية

اللي يعرف قيمة بلده!!!!!
اللي اتغرب بعيد عنها!!!
اهلها وناسها الطيبين!!!!
نيلها وسماها ونخلها وزرعها
هواها منعش طول العام
بلدك حتة منك ما تقدر تستغنى عنها
بس بتتغرب علشان مستقبلك وعيالك وزوجتك
طب لو الدنيا هي غربتك الحقيقية!!!!!!
هتقعد فيها شوية وتسبها
مهما حصدت منها مال شهرة فلوس اولاد
مش هتلاقي فيها راحة
وستفاجئ انك تركتها يوما ما
مهي زائلة!!!!
طول ما انت فيها انت حاسس بغربة
حاسس انك ناقصك حاجة
عارف نقصك اية ؟!!
انك ترجع لبيتك الحقيقي
أنت عارفة بيتك الابدي
هتلاقي فية اللي فضلت طول عمرك تبحث عنه
السعادة فية وراحة البال
مالا عين رأت ولا أذن سمعت
الجنة بيتك الحقيقي
اعمل من اجلها في غربة الدنيا
اكنز الحسنات اكنز العمل الصالح
كن في حاجة اهلك وولدك واخوك واختك
لتعبر لبيتك الحقيقي

خد بالك الدنيا غربتك الحقيقية
وبلدك الحقيقة الجنة
أيوة يا مؤمن بيتك هو الجنة
لما تشوفه هتعرفة وهتقول أنا عارفه
عارف مكانة
كلما اقتربت من الله
تعرفت عليه واقتربت منه
فلا تخدعك الدنيا وتنسيك بلدك الجنة!!!

تمسك بالله

جالك ورث اذي !!!
اصل عم ابوك مات معندوش عيال!!!!!
كسبت عربية معقولة ايوة !!!
اكيد هتفرح وتهيص
العربية عملت حادثة
فلوسك ضاعت في البورصة
لية يا رب انا عملت اية
مش معنى انا !!!
انا اللي حظي وحش!!!!
الناس بصالي وخده بالها مني!!!!
فوق كلامك جارح!!!!
كلامك بيسجل
عند من لا يغفل ولا ينام
الم تسمع قول الله تعالى
ما أصاب من مصيبة في الارض ولا في أنفسكم إلا في كتاب من قبل أن نبرأها
كله مسجل
طب مش معنى لما يرسل عليك نعمه بتفرح قوي وتزغرط
متفرحش قوي اشكر المنعم فقط
لتدوم النعمة
الم تسمع قول الله تعالى
لكيلا تأسوا على ما فاتكم ولا تفرحوا بما آتاكم !!!!
العاطي هو الله
والآخذ هو الله فبه تمسك
وعلى ضربه لا تحيد
واجعل عينك على الجنة
تهون في سبيلها الابتلاءات والاختبارات
حتى الخير لا تفرح به كثيرا
فكله الى زوال
ان كان خير او شر !!!!!!

امسك لسانك

أسهل شئ في الدنيا انك تغضب !!!!!!!
حد زقك حد اتريق عليك حد شتمك
حد زنق عليك جارك نقط عليك جارك ازعجك
هتجري بسرعة وتزعق وتغلط وقد تتلفظ بالفاظ نابية لست متعود عليها
ولكنك قلتها علشان تنتقم لنفسك
مفكرتش مرة تكظم غيظك!!!!!
مفكرتش مرة ان ده جارك
او صديقك او اخوك او حتى مسلم زيك
خلي غضبك له وحده
تمعر في الله لا لشهوة شخصية
او مكسب زائل
قال رسول الله لابي الدرداء
لا تغضب ولك الجنة
كان سيدنا محمد صلى الله عليه وسلم لا يغضب لنفسه قط
بل اذا انتهكت محارم الله
اذا ضاع الحق غضب لله
ايوة اجعل غضبتك له وحده
لا لدنيا زائلة المنصب هيتعوض و المال هيتعوض
تحلى باخلاق الصالحين
تكن عبدا لله وقدوة للناس أجمعين
فتنال حب الله ورسوله والناس اجمعين

وقت الشدة

الانسان ميعرفش صديقه
الا وقت الشدة!!!!!!!
وساعات بعض الاثرياء يتصنع الفقر
ليختبر اصدقاءه
هيقفوا جنبه ولا هينفضوا !!!!
طبعا اللي هيطلع معدنه طيب
وسلفه ووقف جنبه
تخيل هيعمل معاة ايه !!!!
تخيل منزلته هتبقى عاملة اذاي !!!
ده عدى من الاختبار بامتياز
وهكذا يختبرنا الله ليتعرف على معدنا !!!
الم تسمع قول الله تعالى
من ذا الذي يقرض الله قرضا حسنا فيضاعفه له أضعافا كثيرة
ربنا مش عايز منك سلفة
طب لو الغني طلب منك وانت عارف انه معاة
هه هتديه
ده فرصة !!!
مهو هيردها ليك اضعاف مضافة ان شلة خمسة جنيه لحد يستحقها هتخدها اضعاف ولا تقولي عشرة أضعاف ولا سبعمائة اكثر من كدة بكثير لا يعلم مقدارها الا الله مهو قالك اضعافا كثيرة
ومش كده وبس وعده ليك في الدنيا قبل الآخرة
هو الكريم!!!
الحق نفسك واستثمر مع الله
من قبل ان يأتي يوم لا بيع فيه ولا شراء.

منفسكش

بيتهيألي لو رئيس الدولة
اختار شخص يمثله ويمثل الدولة
اكيد هيختار شخص مش عادي
وطبعا هيكون مقرب منه قوي
ويثق فيه وفي امكانياته 
وهيوصيه يقول اية علشان
ينقل وجهة النظر العاليا للدولة
اللي هو مقتنع بها ومؤمن بها
هكذا فعل الله مع سيدنا موسى
الم تسمع قول الله تعالى
وأنا اخترتك فاستمع لما يوحى
اخترتك!!!!!
منفسكش ربنا يختارك !!!!
تمثله تنقل عنه
تدعوا الناس لعبادته للسجود له وحده
منفسكش تبقى مميز عنده
تشيل هم دعوته
هم عباده تشفق عليهم
و تنقذهم بطيبة قلبك
وسعة صدرك ورأفتك ورحمتك بهم
اكيد نفسك
غير نفسك
ايوة غير نفسك خليك على طريقه .خليك على ضربه متتهاونش متتنازلش عن الحق عن العدل
اصبر نفسك على طاعته مع عباده الصالحين
قالى تعالى
إنني أنا الله لا إله إلا أنا فاعبدني وأقم الصلاة لذكري

اذكره كثيرا فيذكرك كثيرا
عسى ان نكون عند حسن ظنه
فيستخدمنا ولا يستبدلنا !!!!!

تشبه بالصادقين

بعض الصنيعية حالهم بلا !!!!!!
ولا شغلة ولا مشغلة
طول النهار قاعدين على القهوة
مبتشتغلش ليه يا عم الاسطى ؟!!!!
مفيش شغل!!!!
وصنيعي تاني مش ملاحق من كثر الشغل
لية!!!
اصله صادق
ومبيغشنيش
وعلى اد الايد مش طماع
مبيسرقنيش دغري من الآخر!!!
والمدرس اللي عنده ضمير!!!!!
في حصته وقلبه على العيال
وبيشرح بحرقة !!!!
تلاقيه مش ملاحق على الدروس!!!!
ومدرس تاني بليد
ولا عايز يشتغل
بس عايز دروس وخلاص!!!
والدكتور اول حاجة يقولك عملية!!!
مع انه بالعلاج
الموضوع يخلص!!!
يقولك روح لدكتور صادق او محامي صادق يحافظ عليك وميستغلكش
الصدق
سلعة نادرة كلنا بنبحث عنها
هل سألنا نفسنا هي عندنا !!!
أيوة خليك صادق
يحترمك العدو قبل الصديق
خليك صادق تنجح مع اولادك وزوجتك ويحبك مديرك واخوك وصديقك
ولو عندك تجارة هتنجح
ولو عندك وظيفة هتوصل
الصادق منزلته عالية في الجنة
الم تسمع قول الله تعالى
 يا أيها الذين آمنوا اتقوا الله وكونوا مع الصادقين 
الصادقين يدعوك الله ان تكون منهم فلزمهم وتشبهم بهم
فتسعد في الدنيا
بان يحترمك الناس ويحبوك ويثقوا فيك
وتلين لك القلوب والعقول
وتنال اعلى الدرجات
في جنات الخلد عند رب العالمين

اسوأ الناس

افضل الناس
الصالحون المؤثرون بأفضالهم وخدماتهم للعباد
لهم جذور في الارض ولهم محبة في قلوب الخلق حتى الجماد
حتى الشجر والدواب
يأنس بهم ويتأثر لفراقهم

وأسوأ الناس من لا تحزن على فراقة وتخاف من لقاءه
الم تسمع قول الله تعالى
فَمَا بَكَتْ عَلَيْهِمُ السَّمَاءُ وَالْأَرْضُ وَمَا كَانُوا مُنظَرِينَ صدق الله العظيم

الظالم لا ظهر له

بتفتكر إنك لو اعتديت
على قطة ولا كلب محدش هيحاسبك!!!!!
مهو مخلوق ملوش صاحب!!!
وحصل بالفعل قصة حقيقية
شاب مستهتر لقى كلب
فارد ذراعه داس عليه بقصد!!!
بيهزر !!!
مهو غلبان
مفيش شىرطة هتقبض عليه!!!
ولكن دعاء هذا الكلب الضعيف
وصل إلى الحكم العدل من فوق سبع سماوات
فأتت عربية وقطعت رجل هذا المستهتر
متفتكرش إن وسطتك أو نفوذك أو سطوتك!!!!!
تقولك اللي له ظهر مينضربش على بطنه
لأ وليك وظهرك هو الله
الجأ إليه هينصرك  أيها المظلوم الفقير  الضعيف وسيقتص حقك
فلا تبتئس
ألم تسمع قول الله تعالى
والظالمون ما لهم من ولي ولا نصير
تمسك بالله فهو ظهرك وناصرك ولن ينفعك علاقاتك المتشعبة ولا فلوسك الكثير
قد تنصرك نصر فاني
ويبقى الله
فهو ناصرك في الدنيا والآخرة
فبه تمسك وبه ثق

لا تحزن

قد تفوتك في حياتك فرص كثير
وتحزن كثيرا على عدم تحقيقها
فرصة سفر تحزن لفراقها
زيجة من زميلة او جارة
ترقية لمستوى اعلى
ولكن بعد فترة من الزمن تجد
انا لية زعلت حزنت!!!
لية شخطت في امي الغالية علية قوي
زعلي لها  احزني أكثر من الفرص ده كلها!!!!
بعد فترة لقيت ان حرماني من الوظيفة
ده او السفر ده او او خير لية !!!!!
بعد فترة بحس برحمة ربنا بيه
وان منعة عطاء
وقسوته رحمه بيه
الم تسمع قول الله تعالى
خلق الإنسان من عجل سأريكم آياتي فلا تستعجلون .
نعم يا الله رايت بعيني
آياتك وجودك وكرمك ورحمتك بيه
رأيت منعك عطاء
وعطاءك رحمه
رأيت معيته ليه
رأيتك أنك انت الله
خالقي ورازقي وحافظي
فغفر لي عجلي
فأنت أرحم الراحمين

ربنا مش هيستناك

لو وراك سفر هتصحى بدري
لو مديرك طلبك تجي بدري قبل الموظفين مش هتتأخر طبعا!!
لو وراك مجموعة ولا مدرسة هتصحى بدري امك هتذكرك عندنا مدرسة!!!!
بتظبط حياتك ونومتك  حسب اهمية الشئ اللي هتصحى علشانه
لو عندك معاد مع وزير ولا محافظ
او اي حد هتطلع منه بمنفعة
هتتجهز وتروح قبل الميعاد
مش كده اكيد!!!
لية متعملش كده مع قيوم السموات والارض
لية مبتعملش كده مع خالقك ورازقك وحافظك
لية لما تسمع الآذان مبتتنفضش
الله أكبر من مصالحك
الله اكبر من ولادك
الله اكبر من القهوة والماتش
الله اكبر الله اكبر
كلمه تنطق الحجر
كلمه يسجد لها الكون
فلا تجعل الله اهون الناظرين اليك
فالكل ضعيف  لا حولة له ولا قوة
ويبقى الله
فله اسجد وله لبي
فلن ينفعك غيره!!!!!

انتبه يراك

ساعات كثير ننسى نفسنا ونرفع الكلفة
وتلاقي البنت بتسلم على الولد !!!!
وتجلس معاة على الرصيف عادي
تجلس معاة على القهوة تلعب طاولة
عادي تقدم !!!!
مش بعيد تحكي له
على ادق تفاصيل حياتها خليك مودرن !!!
تمسك ايده كفك
مش بعيد تذاكر معاه
زميلي صديقي بلاش عقد!
بس لو سمعت الآية الكريمة
قُل لِّلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ذَلِكَ أَزْكَى لَهُمْ إِنَّ اللَّهَ خَبِيرٌ بِمَا يَصْنَعُونَ{النور/30} وَقُل لِّلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ
ينفع تغضي بصرك
ينفع تغض بصرك
وبعدين تقولي صديقي صدقتي
ربنا وضع لنا قواعد تحفظك
وتحفظ بيتك وبيت اخوك واختك
فينصلح المجتمع وتدوم الالفة والمودة
تمسك بقوانين ربنا
فهي لاسعادك انت ايها الانسان !!!!!

احذر لا تقترب فتحترق

اللي اخترع شئ !!!
عارف طريقة تشغيلة وعيوبة ومزاياة!!!
واللي بيخترع دواء
تلاقي مرفق رجتة طويلة فيها طريقة الاستخدام والمحاذير والفوائد
واحنا طبيعي بنفذ التعليمات
بدقة للحفاظ على صحتنا 
والطبيب بتسمع له جيدا علشان عايز تخف!!!
طب لو ربنا كتب لك
وصفة النجاة وصفة هدخلك الجنة
هتنفذها ولا هتسمع وتنفض!!
كلماته لمصلحتك
كلماته لحفظك من نار لا تبقي ولا تذر
قال تعالى
لا تقربوا الزنا
ربنا عارف اية اللي بينفعنا واية اللي بيضرنا
قربك من النار تحرقك
ابعد عن الطريق ده!!
متحاولش تقرب منه
مش تقولي اية يعني لما اقعد في خمارة
او على قهوة بصفة مستمرة
انا كويس !!!!
مش بتثق فيه ؟؟!!
ولا اقعد مع وحدة زملتي ولا صدقتي
ده صداقة بريئة!!!
لأ ده اول طريق الزنا
ابعد عنه اغلقه
هو خلقك وعارف نقاط ضعفك !!!
اسمع كلامه تنجوا في الدنيا والاخرة