متخدش اكثر من حقك

مالك قلبك قاسي ليه !!!!
حقك عايز تاخده تالت ومتلت
طب تدفع اللي عليك معلش شوية كدة!!!
معاك معاك
امال مطنش ليه !!!!!!!!
تشتري من السوق تفاصل وتقرف الست الغلبانة !!!!!
ولما تاخد بضاعتك عايز زواده!!!!!
تلعب وتغيب وتدلع في شغلك!!!!
  ويوم القبض مش عايز يتخصم منك جنيه !!!!!

التاجر عايز يبيع سلعته باعلى سعر ويشتكي من الغلاء !!!!!
فيصدق عليهم قول الله تعالى
فَأَوْفُوا الْكَيْلَ وَالْمِيزَانَ وَلَا تَبْخَسُوا النَّاسَ أَشْيَاءَهُمْ وَلَا تُفْسِدُوا فِي الْأَرْضِ بَعْدَ إِصْلَاحِهَا ۚ ذَٰلِكُمْ خَيْرٌ لَّكُمْ إِن كُنتُم مُّؤْمِنِينَ
وفي موضع آخر
وَتَبْغُونَهَا عِوَجًا
مش بتدي الناس حقوقها ليه ؟!!
بتحب تاخد اكثر من حقك ليه ؟!!!
بتبخس الناس حقوقها ليه؟!!!
أنت عايزها كدة عوجة
مصلحتك مع الباطل
مصلحتك وسلطتك وعزوتك ونفوزك
انها تبقى عوجة تبقى فاسدة
مخوخة لا حياة فيها
فوق لنفسك وانقذها !!!!
وانقذ زوجتك واولادك قبل الطوفان
قوم مدين اخذوا ولم يبقى منهم الا الحسرة والندامة عاشوا ليأخذوا أكثر من حقهم
فستحقوا ان يمحوا عن بقرة ابيهم الى يوم القيامة
كن مع الحق فلا خير الا فيه!!!

اوعى تبقى جاهل!!!

ساعات كثير نشوف ناس محترمة
ونفتكر انهم مبسوطين
مع اننا لو شغلنا عقلنا شوية
وتحسسناهم عن قرب هتلقيهم غلابة
اولادهم كثير بيصرفوا على ابوهم وامهم سابوا شغلهم مرتبهم بسيط
بس الحياء يمنعهم من السؤال
وستر ربنا عليهم يغطيهم
علشان كده انا بقولكم اللي بيطلب منك مساعدة
سقط الحياء من وجهه فسهل يدبر أموره من اي جمعية واي شخص
ولكن دورك انت ان تصل للمحتاج وتحسس اقرب الناس اليك لان محدش هيوصلهم ويعرفهم الا انت !!!!
متستسهلش وتودي فلوسك لاقرب جمعية وتخلص نفسك!!!!

الم تسمع قول الله تعالى
يَحْسَبُهُمُ الْجَاهِلُ أَغْنِيَاءَ مِنَ التَّعَفُّفِ تَعْرِفُهُم بِسِيمَاهُمْ لَا يَسْأَلُونَ النَّاسَ إِلْحَافًا ۗ
اللهم لا تجعلنا جهالا بعبيدك الفقراء
واجعلنا مبصري القلوب والعقول بهم
هتتعب شوية  بس هتخفف كثيير عن اقرب الناس ليك !!!!!!

انت وحدك!!!!

يقولك اية اهم حاجة
تجيب واد يحمل اسمك!!!!!
ولازم يبقى عندك عزوة متبقاش هفق!!!!!
ويا سلام بقة لو معاك اصول ورصيد في البنك
ولا ليك ظهر وسلطة تقف بيها في وش التخين!!!!
بس للاسف كل ده يوم القيامة مش هينفعك
الم تسمع قول الله تعالى

وَلَقَدْ جِئْتُمُونَا فُرَادَىٰ كَمَا خَلَقْنَاكُمْ أَوَّلَ مَرَّةٍ

ولا هتعرف تستعين بصديق
ولا هينفعك مالك ولا عزوتك
كله هيجري منك ولن يبقى معك الا عملك الصالح
فجعل حياتك كلها عمل صالح
ولادك اصنعهم لله فيكونوا في رصيدك الى يوم القيامة
واجعل مالك وقوتك وعزوتك
لخدمة دين الله
ساعتها اقولك ستنجوا باذن الله
فلا حياة لك الا في خدمة دين الله تعالى
ستموت وحدك وستبعث وحدك
بلا ونيس ولا انيس
فلا تتمسك بوهم لن ينجيك يوم القيامة!!!!

احمي ولادك!!

ولادنا اغلى شئ عندنا!!!
بنشتغل ونتعب علشان نوفر لهم حياة كريمة!!!!
بنتك تطلب منك فلوس الدرس
ممكن تستلف وتديها!!! 
بابا عايزة اطلع رحلة مع المدرسة!!  
متقدرش تقول لها لأ!!!!
عايزة لبس جديد
بتحارب علشان تجبهولها
ممكن تشتغل شغلة واثنين علشان ميحتجوش لحد
نفسك يطلعوا من الاوائل
وممكن تبقى حزين  على كل ده لانك حاسس انك مقصر
بس عمرك فكرتك انك تحميهم من نار جهنم!!!!!!
تعلمهم القيم والاخلاق الفاضلة
تسعى لتحفظهم القرآن الكريم بمعهد ديني
تكون قدوه لهم في الصدق
والوفاء بالعهد وعدم الكذب والانتظام في الصلاة
الم تسمع قول الله تعالى
يَا أَيُّهَا الَّذِينَ آمَنُوا قُوا أَنفُسَكُمْ وَأَهْلِيكُمْ نَارًا وَقُودُهَا النَّاسُ وَالْحِجَارَةُ عَلَيْهَا مَلَائِكَةٌ غِلَاظٌ شِدَادٌ لَّا يَعْصُونَ اللَّهَ مَا أَمَرَهُمْ وَيَفْعَلُونَ مَا يُؤْمَرُونَ
ورث أولادك الميراث الحقيقي
الا وهو  الاخلاق
تقيهم من نار جهنم
ويكونوا صدقة جارية لك
تزود رصيد حسناتك
حتى بعد ان تفارق الدنيا
بعد عمر طويل ان شاء الله

متستهونش بعروف!!!!!

غمض عينك كده وافتكر
لما كنت راكب المترو
وانت جاي تعبان من المحاضرات
ولمحت بطرف عينك راجل كبير واقف
وعملت نفسك مش شايفة!!!! فاكر!!!!!
طب فاكر لما والدتك طلبت منك
تغسل المواعين وطنشتها
وانت عارف انها تعبانه
ولا فاكر لما لقيت طوبة تعوق الطريق
ومفكرين تحطها على جنب!!!!!
فاكر زميلك لما طلب منك المحاضرات
وانت طنشته بحجة ميخدش مجهودك!!!
طب فاكر لما اتنين من صحابك اختلفوا
مفكرتش تصلح بينهم!!!!
انا مالي!!! كبر!!!!!
عارف كل الموقف ده
كان من الممكن تتحول لك رصيد حسنات
ولكن كسلك وهمتك الضعيفة
حرمتك من الفضل ده
الم تسمع قول الله تعالى
 يَوْمَئِذٍ يَصْدُرُ النَّاسُ أَشْتَاتًا لِّيُرَوْا أَعْمَالَهُمْ (6) فَمَن يَعْمَلْ مِثْقَالَ ذَرَّةٍ خَيْرًا يَرَهُ (7)وَمَن يَعْمَلْ مِثْقَالَ ذَرَّةٍ شَرًّا يَرَهُ 
هيجي يوم ربنا هيجمعنا
اهل الخير مع بعض واهل الشر مع بعض
الحسنة الصغيرة اللي انت عملتها
ومسحت على راس يتيم
ولا ابتسمت لطفل صغير
ولا وزعت تمر ولا عصير ساعة الاذان
وحتى وان كانت مثقال ذرة
هتسجل في رصيدك وهتنفعك
فلا تستهتر او تكسل عن عمل الخير
فانت خلقت لتعلي  منزلتك عند الله
بعملك الصالح فكن اهلا لها
فرصتك دلوقتي قبل فوات الاوان!!!!

قدر الله

بيتهيالي اللي اكتشف الكهرباء وليام جيلبرت عمل شئ عظيم للإنسانية وخلد في التاريخ من اوسع ابوابه والدنيا كلها لا تختلف على ابداع ذلك الرجل وتقديره وتخليد ذكره
مع انه مخلقش شئ ولا يقدر يخلق نمله ولا حتى طيرة لعظم ابداع الله لها
ومع ذلك تلاقي الملحدين والكفرة لاحصر لهم
وتقديرهم لخالقهم لا يليق
وكأن كل شئ في الدنيا له رب
الا الانسان لم يدعي احد انه خالقه
الا الله خلق فابدع
أَلَمْ نَجْعَل لَّهُ عَيْنَيْنِ (8) وَلِسَانًا وَشَفَتَيْنِ (9) وَهَدَيْنَاهُ النَّجْدَيْنِ
فهلا أخذ الله ما يستحق من العبودية له وحده
حمدا وشكرا ووورعا وخشوعا له وحده
عرفا له بان رزقني عقل راجح وقلب ذاكر
وسخر لي الكون كله لي
ولكن صدق الله
 وَمَا قَدَرُوا اللَّهَ حَقَّ قَدْرِهِ وَالْأَرْضُ جَمِيعًا قَبْضَتُهُ يَوْمَ الْقِيَامَةِ وَالسَّمَاوَاتُ مَطْوِيَّاتٌ بِيَمِينِهِ ۚ سُبْحَانَهُ وَتَعَالَىٰ عَمَّا يُشْرِكُونَ
لم ينل ربي قدره لم ينل منزلته
وهو خالق كل شئ
اي رحمه ده يا الله بنا!!!!
نحن المتكبرين الجاحدين بنعمك
التي لا تحصى ولا تعد
ولكن رحمتك وسعت كل شئ
فجبر تقصيري وقلة حيلتي يا الله

متستقلش عملك!!!

كنت واقف بالعربية صف تاني!!!!!
لقيت رجل محترم  متسبش العربية صف تاني!!!!!!!
لحسن لسة عربية مكلبشنها!!!!!!
وواحد تاني معرفوش ولا شوفته لكن سمعت صوته!!!!!
يا ريس العجلة نايمة خد بالك!!!!!
ولا برجع بالعربية وتلاقي واحد يقولك ارجع خد بالك!!!
كتير كدة تلاقي ناس تطوع وتلفت نظرك وتساعدك
دول رجال يستحقوا الشكر والثناء
الم تسمع قول الله تعالى
وَجَاءَ رَجُلٌ مِّنْ أَقْصَى الْمَدِينَةِ يَسْعَىٰ قَالَ يَا مُوسَىٰ إِنَّ الْمَلَأَ يَأْتَمِرُونَ بِكَ لِيَقْتُلُوكَ فَاخْرُجْ إِنِّي لَكَ مِنَ النَّاصِحِينَ
تحمل مشقة السير ملوش مصلحة
الا انه ينصح سيدنا موسى
نعم انقذ نبي انقذ الدعوة من يد الظلمة 
فستحق  ان تخلد ايجابيته وموقفة النبيل
في القرآن الى يوم القيامة
فكن ايجابي متبخلش على حد بمعلومة
خليك في ظهر الحق يعجب بك الله ورسوله
ويحترمك الناس ويجلوك وان عادوك !!!!!

اختاري عريسك

البنت بتفتكر لما يكون وجهها حلو!!!!!
ولا شعرها فضفاض بدون طرحة!!!!!
ولا حاطة مساحيق اشكال والوان!!!!!
ولا مبينه جزء من جسمها تبقى جميلة!!!!!!
ولا مقبولة عند الرجال!!!!!!!!!
الحقيقة الجمال الحقيقي للمرأة حياءها وحشمتها
كلما زاد حياءها وحشمتها
كلما زادت جمال واحترام الناس لها
وكلما كنتي قريبة من الله
سيبهرك الله بزوج صالح يعينك على الخير
ويكون لك سكن
بدل ما يجيلك زوجك مستهتر
كل همه عايز بنت حلوة وخلاص
وبعد كده يزهد فيها ويهملها
الم تسمعي قول الله تعالى
وَلَمَّا وَرَدَ مَاءَ مَدْيَنَ وَجَدَ عَلَيْهِ أُمَّةً مِّنَ النَّاسِ يَسْقُونَ وَوَجَدَ مِن دُونِهِمُ امْرَأَتَيْنِ تَذُودَانِ ۖ قَالَ مَا خَطْبُكُمَا ۖ قَالَتَا لَا نَسْقِي حَتَّىٰ يُصْدِرَ الرِّعَاءُ ۖ وَأَبُونَا شَيْخٌ كَبِيرٌ
امرأتين شباب يقدروا يزاحموا الناس ويملوا المية اللي همها عايزها ولكن حياءهم منعهم كيف نزاحم الرجال احنا مضطرين نسقي وننتظر لحد الناس ما تمشي لان ابونا شيخ كبير (ده شغل الرجال)
فسيدنا موسى النبي بنفسه يسقي لهم
وحياءهم العالي يرزق واحدة من البنتين
ان تتزوج من سيدنا موسى النبي اي شرف!!!!
كوني قريبة من الله
سيقر الله عينك
بزوج صالح يقدر حياءك وحشتك!!!!!

ارجع احسن لك!!!

افرض  جالك ضيوف فجأة
بدون سابق انذار ولا محددين معاد ولا ديللو!!!!
والنصيبة بقة لو الشقة ملغبطة ومش مرتبة
ولا عندك ميعاد مهم لازم تروحه الان!!!
هتفتح الباب ولا هطنش!!!!!
بس لو عرفوا انك جوة
هتبقى عيبة جامده ومش بعيد يقطعوك!!!!
ولا تفتح الباب وتقصر الشر!!!
صراحة القران علمنا
اذاي نتعامل مع الموقف ده
بس بشرط اللي قدامك
لازم هو كمان يكون عارف حكم ربنا
الم تسمع الآية الكريمة

وَإِن قِيلَ لَكُمُ ارْجِعُوا فَارْجِعُوا ۖ هُوَ أَزْكَىٰ لَكُمْ ۚ وَاللَّهُ بِمَا تَعْمَلُونَ عَلِيمٌ
تخيل هتقول لعمك او خالك
ارجع مش هقدر استقبلت دلوقتي
طب خالك هيقدر يستقبلها بصدر رحب
هو ده الدين هي ده تعليمات الله لنا
نأخذها ونعمل بها كما انزلت
انت تقول بثقة وهو يتقبل بصدر رحب
لانه امر الهي هو الخير لك وله
التزامك باوامره عبادة تتقرب بها الى الله
فلا تتركها خجلا او عرفا او عيبا
بل تمسك بها ورعا وحبا لله تعالى!!!

اذكره هيبقى ليك قيمة!!!

عارف لو مديرك جاب سرتك في الاجتماع!!!!
هتبقى مش على بعضك!!!!
ونفسك تعرف قال اية!!!
وكل ما تشوف حد من زميلك
اللي حضروا الاجتماع
هتساله هو الريس قال علية اية!!!!
ويا سلام بقة لو شكر فيك هتبقى سعيد جدا!!!!
طب منفسكش ربنا يذكرك بالاسم 
ومش بس كده ويباهي بك الملائكة
انا خلقته واعطيه حرية كامله انه يذكرني
تذكرني وهو منكسر وهو سعيد
وهو قلبه طاير من فرحة ذكري
الم تسمع قول الله تعالى
فَاذْكُرُونِي أَذْكُرْكُمْ وَاشْكُرُواْ لِي وَلاَ تَكْفُرُونِ
يا بخت اللي ربنا عامله قيمة ويذكره بالاسم!!!
بس اللي قلبه قاسي والعياذ بالله
حسرة علية هتكون عقوبته اليمة
الم تسمع قول الله تعالى
 فَوَيْلٌ لِّلْقَٰسِيَةِ قُلُوبُهُم مِّن ذِكْرِ ٱللَّهِ ۚ أُوْلَٰٓئِكَ فِى ضَلَٰلٍۢ مُّبِينٍ
متنساش خالقك فهو لا ينساك
واحمد الله انه مكنك وذكرك بذكره
فهذه منزلة حبه لك!!!
تمسك بالفرصة انت موجود!!!!

اخلف العهد واليمين وشوف!!!

بعض البشر بعد ما تتفق معاه
على اجرة تاكس من المطار مثلا
وتركب يقولك يا بيه انا قلت كده
علشان اخلصك من زميلي السواقين!!!!!!!
والتاني تديه عربون شقة جديدة
وبعدين يخلف معاك لقى زبون سقع هيدفع اكثر
وتروح تشتري من التاجر
يحلف أيمنات الله ان بضاعته ده ياباني اصلي
وتطلع مضروبة
ولا يغلي عليك في السعر
كل ده علشان شوية فكة
بعد ما يحلف مائة يمين
وكأن اخلاف العهد والاتفاق ده عادي
وحلف اليمين ذور وكذب عادي
لأ
ربنا بيحذرك هتخلف وعدك هتحلف كذب علشان شوية فكة
لن ينظر اليك ولن يكلمك يوم القيامة ولن يزكيك ولك عذاب شديد
الم تسمع قول الله تعالى
إِنَّ الَّذِينَ يَشْتَرُونَ بِعَهْدِ اللَّهِ وَأَيْمَانِهِمْ ثَمَنًا قَلِيلًا أُولَٰئِكَ لَا خَلَاقَ لَهُمْ فِي الْآخِرَةِ وَلَا يُكَلِّمُهُمُ اللَّهُ وَلَا يَنظُرُ إِلَيْهِمْ يَوْمَ الْقِيَامَةِ وَلَا يُزَكِّيهِمْ وَلَهُمْ عَذَابٌ أَلِيم
علشان التجارة هتغش وتدلس وتكذب
هتخسر دينك وهتخسر قيمتك عند الله
ومش هيبقى ليك خاطر عنده
خد بالك فانت على خطر عظيم!!!