مش هتشبع ابدا!!!!

الانسان الناجح دائما منتبه على حالة دايما قلقان مهو معندوش استعداد ينزل عن الاول دائما يطور نفسه ياخد دورات مكثفة بيصرف على نفسه كثير 

ورجل الأعمال دائما يسعى وراء المكسب بكل قوة اعلى عائد باقل تكلفة

 الامل الهدف دافع لينا نجري وراة بكل ما اتينا من قوة

 واللي معاة مليون عايز التاني واللي معاة مليار عايز تاني

( لو كان لابن آدم واديان من مال لابتغى واديا ثالثا ، ولا يملأ جوف ابن آدم إلا التراب ، ويتوب الله على من تاب

نعم سيجري ابن آدم وراء الامل لحصد النجاحات تلو النجاحات

بس للأسف هيصدم في نهاية الطريق ستجد الموت في مواجتهك 

احذر ايها الحبيب اجعل عينك على الآخرة تذكرها وانت تسعى في الدنيا اوعى تنسى صلاتك زكاتك صلة رحمك انتظر الموت واغرس فسيلة الحياة انتظر الموت واعمر الكون انتظر الموت وعينك على الحياة لا تتنازل ان تكون الاول عند الله ورسوله كما لم تنسى ان تحصد التميز في الدنيا

وتذكر دائما قول الله تعالى اجعله نصب عينيك 

بسم الله الرحمن الرحيم وَالْآخِرَةُ خَيْرٌ وَأَبْقَىٰ صدق الله العظيم

علم ابنك صنعة!!

اعرف صديق ميسور الحال ابنه طالب في الاعدادي ومشغله في الاجازة في صيدلية وآخر مشغله في محل تنجيد وتسالهم السبب يقولك ولادي عايزهم يبقوا رجالة يعتمدوا على نفسهم تذكرة قصة سيدنا يوسف 

كان ممكن سيدنا يوسف يعيش بجوار والده سيدنا يعقوب يدلل فيه وخلاص وربنا يقدر ينزع الغيرة من قلوب اخوته ولكن مشيئة الله نافذة 

يتعرض للخطف من اقرب الناس اليه ويدخل الجب المظلم ويباع لعزيز مصر ينشأ في قصر عظيم يتعلم فيه العلم والحكمة والسياسة 

الم تسمع قول الله تعالى

وَقَالَ الَّذِي اشْتَرَاهُ مِن مِّصْرَ لِامْرَأَتِهِ أَكْرِمِي مَثْوَاهُ عَسَىٰ أَن يَنفَعَنَا أَوْ نَتَّخِذَهُ وَلَدًا ۚ وَكَذَٰلِكَ مَكَّنَّا لِيُوسُفَ فِي الْأَرْضِ وَلِنُعَلِّمَهُ مِن تَأْوِيلِ الْأَحَادِيثِ ۚ وَاللَّهُ غَالِبٌ عَلَىٰ أَمْرِهِ وَلَٰكِنَّ أَكْثَرَ النَّاسِ لَا يَعْلَمُونَ (21) 

ومش كده وبس ولكن يعتقل بضع سنين من 7-9 سنوات ليعرف قيمة العدل والم الظلم  وقد ثُقل وعُجن وتمحص فخرج الينا عزيز مصر فستحق ان يحكم العالم

 وَلَمَّا بَلَغَ أَشُدَّهُ آتَيْنَاهُ حُكْمًا وَعِلْمًا ۚ وَكَذَٰلِكَ نَجْزِي الْمُحْسِنِين

َ نعم وكذلك نجزي المحسنين الصالحين في كل مكان وزمان فلا تقصر ولا تدلل في تربية اولادك كن لهم قدوة ومعين وصديق واب صالح فيكونوا لك عونا  في الكبر ونبراس ونور واصلاح للمجتمع باسره

ابغض الحلال

أبغض الحلال إلى الله الطلاق قالها رسول الله نعم هي 

الطلاق كلمة ولكن ثقيلة كالجبال تهدم البيوت وتشرد الابناء وينهدم المجتمع بكاملة 

الحقيقة في مصر نسب الزواج مرتفعة جدا عن باقي البلدان العربية والاجنبية ممكن تعدي ضعفهم 

وللاسف نسبة الطلاق كانت سنة 2000  معقولة 190 حالة طلاق في اليوم وزادت لحد ما وصلت سنة 2018  580 حالة طلاق يوميا 

اكتر من نصف حالات الطلاق بسبب المشاكل المادية 

الرجل والمرأة يكملان بعضهم بعضا 

الم تسمع قول الله تعالى

وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً ۚ إِنَّ فِي ذَٰلِكَ لَآيَاتٍ لِّقَوْمٍ يَتَفَكَّرُونَ

يعني بالعربي زوجتك حتة منك حافظ عليها انت عارف نظرتك ليها عبادة استماعك لها باهتمام ومشاركتها همومها والانصات لها عبادة لا تقل عن الصوم والصلاة ميزها حتى لو كنت فقير الشوكلاته ده بتاعة ماما القبلة الحضن يزود الثقة بينكم عرفها همومك بدون كذب علشان تزرع الحب بينكم وتقدر ظروفك وانت عليك دور  زوجك  متنرفز انت ارخي اعطيه فرصة ينفذ غضبه 

 لو ربة منزل حافظي على ماله وفري بلاش اكل جاهز مثلا ربي دواجن في البيت اشتري كل شئ جمله  ولو بتعملي اجبري تقصيره  تصدقي عليه وعلى اولادك من غير  ولا من ولا اذي  انا جبت انا سوت الم تسمعي قول الله تعالى 

قَوْلٌ مَّعْرُوفٌ وَمَغْفِرَةٌ خَيْرٌ مِّن صَدَقَةٍ يَتْبَعُهَا أَذًى ۗ وَاللَّهُ غَنِيٌّ حَلِيمٌ

صدقتك على زوجك واولادك هتقفل باب كبير  للشيطان

  صدقتك  افضل من المشاكل

 او قد يؤدي العند  للطلاق لا قدر الله

الشيطان اكثر حاجة تزعجة ان هذا البيت يستمر وينجح حافظ على زوجتك واولادك والكلام ليك برده !!!

اصبري شوية اصبر شوية انفذوا وصية الرسول ولا تسودوا وجه قالها الرسول بنفسه الم تسمع قول رسول الله صلى الله عليه وسلم

وَمُكَاثِرٌ بِكُمُ الأُمَمَ , فَلا تُسَوِّدُوا وَجْهِي

على العهد يا رسول الله نحافظ على بيوتنا وزوجاتنا واولادنا بالحب والعطاء والود والصبر الجميل قدوتنا آل بيت رسول الله صلى الله عليه وسلم

 

صلي على الحبيب

احترامك لقائدك امر حتمي الا بقة لو كان عميد ولا لواء هتبقى مش على بعضك واقف ذي الالف ممكن العمود يتحرك وانت لأ طبعا مش كده 

ده حتى لو طلع معاش احترامك وتبجيل له ميتهزش 

طب لو كان ملك ولا رئيس يبقى ايامنا بيضة احترام احترام 

طب فين احترامك فين تبجيلك فين شوقك فين ذكرك فين صلاتك على الحبيب المصطفى صلى الله عليه وسلم الم تسمع قول الله تعالى

  إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ۚ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا 

اي شرف لنا اي رفعه لنا واحنا بنقول ما يقوله الله وملائكته 

يحثنا ويأمرنا الله بذاته العظيمة ان نصلي على الحبيب

 فاجعل لك ورد يومي للصلاة عليه فهي النجاة هي الرحمة هي النور هي الشفاعة هي طريقك لمرضاة الله ورسوله والملائكة اجمعين 

هو طريق الجنة

 فتمسك بالحبيب المصطفى فلا نجاة لنا يوم القيامة الا به

 فهو ظهرك وسندك

 ينافح عنك يسجد الحبيب ويبكي ويتوسل ويدعو ذوالجلال والاكرام لا من اجله ولا من اجل زوجاته واولاده بل من اجل امتي امتي عاش من اجلنا فلا تنساة فهو لن ينساك يوم القيام 

   فاللهم صلي وسلم وبارك على سيدنا محمد وعلى آله وصحبه وسلم 

نكران الجميل

تستقبل زميلك وتعلمه الشغل واول ما يشب يتجاهلك ولا صديق تقف جنبه وقت الشدة ولما حاله يتحسن يشوفك يستغربك وممكن يبفى اخوك او اختك بس ميسألوش عليك الا وقت شدتهم بس 

وناس كثير تتصل بيك وتسأل عليك لو عايزة منك حاجة 

ساعات بنحبط ويجلنا زهق وقرف وضيق وبنبقى مش عايزين نساعد حد ولا نشوف حد الكل بيجري وراك علشان مصلحته وبس!!!!

ولا اللي تحسن اليه ويلسن عليك في الرايحة والجاية ده معاة ما يدينا هيكنزهم لمين ذي  مسطح ابن اثاثة

كان سيدنا ابو بكر ينفق عليه  ولكن جاب سيرة السيدة عائشة بنته بكلام سئ يطعن في شرفها وهي بريئة منه طبعا سيدنا ابو بكر زعل وقرر يقطع المعونه عنه بس ربنا له كلام تاني

وَلَا يَأْتَلِ أُولُو الْفَضْلِ مِنكُمْ وَالسَّعَةِ أَن يُؤْتُوا أُولِي الْقُرْبَىٰ وَالْمَسَاكِينَ وَالْمُهَاجِرِينَ فِي سَبِيلِ اللَّهِ ۖ وَلْيَعْفُوا وَلْيَصْفَحُوا ۗ أَلَا تُحِبُّونَ أَن يَغْفِرَ اللَّهُ لَكُمْ ۗ وَاللَّهُ غَفُورٌ رَّحِيمٌ

يحث الله سيدنا ابو بكر من فوق سبع سموات ان يستمر في مواصلته الانفاق على مسطح على الرغم من الخطأ اللي وقع فيه والاساءة الكبيرة اللي عملها

ايوة لا تحزن ولا تندم ولا تتوقف عن عمل الخير للناس لانك بتعمل لله مش ليهم !!!

ألا تحبون ان يغفر الله لكم !!!!!! نعم نحب ان يغفر الله لنا 

اوعى تصدق المقوله اعمل الخير وارميه في البحر لا ارميه في يد الله مباشرة فلا تنتظر شكر ولا تبجيل من البشر انتظر  الرفعة من الله وثق بانه سيسخر من يسعدك في الدنيا وينتظرك بالجزاء الاوفى في الاخرة

 

الفجر

رايت في المنام عصافير ترفع جناحيها الاثنين في وقت واحد للسماء في مشهد. رائع تدعوا الله 

وحكى صديق لي امين اثق في كلامه انه راى ارنب مع كل فجر يتوضا وكانه انسان ليستعد لصلاة الفجر

ورايت رجل في المنام صلى الفجر رايت حوله هالة بيضاء من النور فقشعر بدني 

واحنا قد نستيقظ لقرب الفجر وننام ولا نصلي ولا نضعه في حيز اهتمامنا  

وقد نسع الاذان وكانه لحد غيرنا وندخل ننام عادي 

الم تسمع حديث رسول الله صلى الله عليه وسلم

عن عائشة قالت قال رسول الله صلى الله عليه وسلم : لو يعلم الناس ما في صلاة العشاء وصلاة الفجر لأتوهما ولو حبوا.

يعني لو معندكش ايدين ورجلين تروح تصلي الفجر 

طب تعرف ان الملائكة تصعد للسماء في وقت الفجر وتبشر الله بصلاتك ويحدث في صلاة العصر  اي شرف لك وانت يذكر اسمك عند الله 

يقسم الله بالفجر فلاتتنازل عنه فهو النجاة لك ولاهلك فلا تضيعوه  فلن يعود الى يوم القيامة 

عمرك القصير عدد ما حصدت من صلوات فيتضاعك عمرك مع كل صلاة فكن على يقين

الجهلة كثير

عارف لو مزاجك مش قوي لو مش عارف تركز في المذاكرة لو علاقتك بمديرك متوترة لو صحتك مش ولا بد لو حد غالي عليك مريض لو زوجتك مضيقاك ولا زوجك تعبك ولا حماتك مجنناكي ولا ابنك مش بيسمع الكلام تصدق ايوة تصدق بس انا معيش فلوس فقير طالب تصدق تصدق اذاي ايوة مش ممكن تتصدق بمجهودك قوم فز اغسل المواعين لأمك ايوة فيها اية لما تستقطع من وقتك الثمين ربع ساعة وتكنس الارض لماما ولا تغسل الثلاجة صدقني ربنا هيبدل حالك 

وانت متقدرش تصدق على والدتك بزيارة كلها احضان وابتسامات 

متقدرش تجيب لها هدية قيمة 

متقدرش تتصدق على فقير حيي مش بيمد ايده في الشارع ولا في المواصلات حيي الم تسمع الاية الكريمة

يحْسَبُهُمُ الْجَاهِلُ أَغْنِيَاءَ مِنَ التَّعَفُّفِ تَعْرِفُهُم بِسِيمَاهُمْ لَا يَسْأَلُونَ النَّاسَ إِلْحَافًا ّۗ

صدقني تصدق باي شئ صدقني سيتبدل حالك 

وينصلح بالك وتحول مللك حيوية ونشاط ويفرج الله كربك 

جرب مش هتخسر حاجة هتكسب كثيييير حب الله ورسوله والملائكة والناس اجمعين !!!!

صلاة الجمعة

محدش يعرف قيمة الحاجة الا لما تروح منه زوجة صالحة صحبة طيبة صحتك امك ابوك تقصر في زيارتهم تقصر في ودهم !!!

ذي ما ربنا بيطلب مننا حاجات نقدر عليها وفرض علينا ونقصر فيها ومنعرفش قيمتها الا بعد فوات الاوان!!!!

ذي صلاة الجمعة الاحظ اللي يجي على الاذان اللي يقف على جنب يرغي لحد ما تقام الصلاة طب اللي نايم في البيت هنقول عليه اية هنقول ربنا يهديه 

انت مش عارف ان صلاة الجمعة ده فرض عليك الم تسمع الآية الكريمة

يَا أَيُّهَا الَّذِينَ آمَنُوا إِذَا نُودِيَ لِلصَّلَاةِ مِن يَوْمِ الْجُمُعَةِ فَاسْعَوْا إِلَىٰ ذِكْرِ اللَّهِ وَذَرُوا الْبَيْعَ ۚ ذَٰلِكُمْ خَيْرٌ لَّكُمْ إِن كُنتُمْ تَعْلَمُونَ 

ايوة صلاة الجمعة هتغفر كل ذنوبك صلاة الجمعة هتحصد بها حسنات كالجبال الم تسمع الحديث الشريف

 من غسٓل يوم الجمعة واغتسل وبكـّر وابتكر ومشى ولم يركب ودنا من الإمام واستمع ولم يلغ كان له بكل خطوة عمل سنة أجر صيامها وقيامها رواه أحمد وأبو داود والنسائي 

مش كلنا نفسنا نطلع عمره وبنحلم بيها وامكانيتنا مش سامحة 

صلاة الجمعة عمرة مصغرة احسن استقبالها فهي كنز لا يفني هي خير يوم طلعت فيه الشمس مش هتعرف قمته الا بعد فراق الدنيا الا بعد فوات الاوان

 الحق نفسك الان الفرصة لسه قدام

 استقبل الجمعة بقلبك يستقبلك الله وملائكته 

وتقبل منك باذن الله

مقضيها

ساعات كثير نحب نقضيها نروح الشغل متأخر نروح الشغل ونام على المكتب نعمل نفسنا بنشتغل نسوف ناخر  العملاء 

يا بني بتعمل كده ليه على اد فلوسهم يا عم الشيخ اصلي بشتغل شغل تاني

 الفلوس مش مكفية وتلاقيه شغال شغلانة واتنين

ومع ذلك ولادك عند الدكتور على طول مراتك مسودة عشتك ولادك مجنينك مفيش بركة تحولت لحصالة فقط بلا مشاعر او حتى شكر على مجهودك!!! 

عارف لو خدت بالك من شغلك واتقت ربنا فيه رحت في معادك مصحصح مبتسم متوكل على الله لا على غيره واثق من رزقه وكرمه عليك هيبارك لك في وقتك وصحتك وزوجتك وولادك ومالك وهتحس بالسكون والراحة مهو مالك حلال اسمع قول الشافعي 

جمع الحلال على الحرام ليكثره .. دخل الحرام على الحلال فبعثره

تيقن ان رزقك الحلال من اتقان عملك لن ياخذه غيرك فكن رزين في طلبه فالهرولة في طلب الرزق  لن تزيده فكن على يقين

 

الغربة صعبة

الغربة شئ صعب وخصوصا لما تكون لوحدك بعيد عن الاهل والاحباب 

بس كلنا بنتمناها ونسعى اليها علشان نحسن مستوانا الاجتماعي بس لما تكون 

هجرة وغربة علشان تنصر الحق 

هجرة وغربة علشان تنقذ البشرية من الظلام

هجرة وغربة علشان لا اله الا الله

مش هجرة عادية 

ده مطاردة ومغامرة عنيفة مع دولة او اكبر دولة في المنطقة قوية ولها نفوذ وعيون وبصاصين في كل مكان !!!!!

غامر الرسول بحياته وماله ليفر لا بمال او جاه ليفر بالامانة العظيمة 

تعرض الرسول لمخاطر مهولة ليوصل الامانة لنا الان على طبق من فضة

فهل هنقدر نحافظ عليها وننقلها للعالمين

امانة التوحيد تنتظر منا جهد اكبر وتضحيات من وقتك ومالك وعلمك لتنقلها لاهلك وولدك واطفال المسلمين 

فلا تبخل بنصيحة او كلمة طيبة ولا تقل الكلمة الشهيرة انا مالي 

ولكن قل لا اله الا الله تكن من الفائزين 

عبد المأمور

كل ما تروح تخلص مصلحة تلاقي موظف في وشك يقولك الاوامر كده مينفعش !!!!!

تجي تقدم لابنك في مدرسة يقولك ابنك تحت السن!!!! 

ده خلاص هيعجز جنبي !!! 

او يقولك التعليمات كده او يقول الكلمة الشهيرة انا عبد المأمور

تجي تقول لبنت بالغة (قربتك بنت خالتك) اتحجبي لله تقولك هفكر وامها تقولك ده لسه صغيرة وابوها يقولك انت عايز تعقد البنت !!!!

الم تسمعوا قول الله تعالى

وَلْيَضْرِبْنَ بِخُمُرِهِنَّ عَلَىٰ جُيُوبِهِنَّ

آيات الله لا نتلوها لنتغنى بها او نمصمص الشفايف او نهز الراس او نقول الله يا عم الشيخ

 آيات الله اوامر قوانين حياتك تنبيهات ربانية لحفظ حياتك وبناتك 

هو اللي خلقنا وعارف اية اللي ينفعنا واية اللي يضرنا!!!!!

اسمع وانصت ونفذ كلام الله من غير جدل ولا نقاش آياته صالحة في كل زمان ومكان آياته لاسعادك في الدنيا والآخرة

حلم جميل

حلمت حلم جميل كنت واقف مع مجموعة من الشباب الصغير 15-16 سنة شافوا حاجة في جيبي اللي فوق 

قالوا لي اية ده؟! 

احضرته لهم نظروا له بستغراب!!!!

 قلت لهم ده سبحة!!!!

 استغربوا زيادة!!!!!

قلت ده بنستخدمها نذكر الله 

كل كلمه بحسنة وكل حسنة بعشر امثالها لحد سبعمائة ضعف ظهر على وجههم الرضا والقبول وكأنهم اول مرة يسمعوا الكلام ده!!!!! صحيت من النوم 

وقلت احنا مقصرين في حق الشباب دول  محتاجين مننا توعية 

محتاجين نحن عليهم بكلمه طيبة 

تخرجهم من الظلمات الى النور 

وَذَكِّرْ فَإِنَّ الذِّكْرَىٰ تَنفَعُ الْمُؤْمِنِينَ 

وجزاكم الله خيرا

مفيش ملحق!!!!! هتبهر

https://youtu.be/UtbSulDPXMo

انا واليتيم

https://youtu.be/mPzai7DtZNI

كلام مهم لازم نقوله لولادنا!!!!!

https://youtu.be/d3TEhX9L0Ew

استثمر صح

https://youtu.be/fo5FExCQvw0

الفاسد عمره قصير!!!

تلاقي الفاسد رايح جاي ولا حد عارف يمسكه ولا يقوله كخ!!!!!!!
ولو اكلمت يلبسك نصيبه!!!!
ممكن تحبط ممكن تياس ممكن تقول انا مالي يرتشي اللي يرتشي يفسد اللي يفسد!!*!
بس ربنا ليه كلام تاني
الم تسمع قول الله تعالى
لا يَغُرَّنَّكَ تَقَلُّبُ الَّذِينَ كَفَرُوا فِي الْبِلَادِ
ربنا يمهلهم قليلا يمدهم بالمال والبنين والحياة الرغدة فتنة لهم وعبرة لنا
وَأَصْبَحَ الَّذِينَ تَمَنَّوْا مَكَانَهُ بِالْأَمْسِ يَقُولُونَ وَيْكَأَنَّ اللَّهَ يَبْسُطُ الرِّزْقَ لِمَن يَشَاءُ مِنْ عِبَادِهِ وَيَقْدِرُ ۖ لَوْلَا أَن مَّنَّ اللَّهُ عَلَيْنَا لَخَسَفَ بِنَا ۖ وَيْكَأَنَّهُ لَا يُفْلِحُ الْكَافِرُونَ
سبهم يبرتعوا !!!!! مش مهم
المهم تمسك بالحق ورجالة وكن منهم وعونا لهم على الباطل سيزولوا لا محالة
ساعتها هتقول الحمد الله انني لم اكن معهم لم اطبل لهم
الحمد لله انني مع الصحبة الصالحة
الحمد لله ان تمعر وجهي في سبيلك
الحمد لله ان نجانا الله من الخسف واخذ الظالم لوحده ولم يأخذنا معه مع قلة حيلتنا وهوانا على الناس !!!

انت مشهور!!!!!!!!!!!!!!

كل انسان يتمنى يبقى مشهور!!!!! يشار اليه بالبنان!!!
الناس تجيب في سيرته تفرح لفرحه تسعد برؤيته!!!!
ذي محمد صلاح كده كلنا بنحب نشوف مباريات ليفربول كلنا بنحب زويل ونفتخر بجائزته نوبل!!!
بس الشهرة ده فانيه واللي بيسقفلك ده انت متعرفوش!!!!
انت بسته يا مشهور وهو مش هيفيدك بشئ !!!
ده لو كبرت شوية!!!!
ولا ملامحك اتغيرت يا فنانه  يا فاتنه الناس هتعرض عنك ومش بعيد تمشي جنبهم ولا يعطي لك بال!!!!!
مبدأ المصلحة والمتعة يربطك بالمشهور بالنجم!!!
عارف لو صلت صلاتك في ميعادها
عارف لو صحيت مع آذان الفجر
عارف لو صلت العصر بالمسجد
عارف لو قضيت حوائج الناس
عارف لو قرأت القرآن في بيتك ولا في المسجدك!!!!
هتبقى مشهور على فكره !!!!
وسيذكرك الله في وسط الملائكة ويفتخر بك ومش بس كده سيعجب بك الملائكة ويدعوا لك بالصلاح والفلاح  اذكره بس !!!
الم تسمع الحديث القدسي
أنا عند ظن عبدي بي، وأنا معه إذا ذكرني، فإن ذكرني في نفسه ذكرته في نفسي، وإن ذكرني في ملأ ذكرته في ملأ خير منهم.
هتشهر بذكرك لله ويعرف اسمك في السموات السبع وكلما زاد ذكرك وعملك تناقلت الملائكة اسمك وانتظروا عملك ليتناقل بين العالمين فلا تستقل عملك وانت من سجد له الملائكة
سيذكرك رب العالمين مش اي حد ده رب الكون فكن على قدر المسؤولية!!!!

قلبي عليك!!!!!

لو واد مشيه بطال نفسه صحابه يبقوا ذيه!!!!! ويضغط عليهم ان شله يجبلهم سجاير!!!!
أو يعزمهم في مكان مشبوة على حسابه!!!!
والبنت السيئة كده ميهدلهاش بال الا لما تأذي صحبتها وتشوة سمعتها!!!!!
وتلاقي اللي يدعوا للعري وخلع الحجاب ونشر الرزيلة بحرقة وممكن ينفق من وقته ومجهوده و يصرف آلاف الجنيهات ليقنعك بوجهة نظره الفاسده!!!!
محاولتش تنافح عن الله وتدعوا لدينه بحرقة!!!!
سيدنا نوح قعد 950 سنة ينشر التوحيد لأهله وعيشرته ولم يكل ولم يمل مشفق عليهم وقلبه يحترق خوفا عليهم من عذاب الله مش منتظر منهم مصلحة ولا تكريم ولا اجر على وقته اللي بيضعه معاهم ولكن اجره على الله
الم تسمع قول الله تعالى
إِنِّي أَخافُ عَلَيْكُمْ عَذابَ يَوْمٍ أَلِيمٍ 
هذا سلوك الصالحين قلبهم عليك نفسهم تبقى صالح لنفسك ولولادك يتمنوا لك الخير قلبهم ينفطر عليك لا يريدوا لك الا الجنة
وانت تتفلت منهم ويمكن تعاديهم ويمكن تشد عليهم!!!!
بس اقولك يا بختك لو اتكعبلت في حد منهم ربنا يريد بك خيرا!!!!
دول كمان هيدعوا ربنا لك بالصلاح  ويدافعوا عنك
لاتُخَاطِبْنِي فِي الَّذِينَ ظَلَمُوا إِنَّهُمْ مُغْرَقُونَ
مع ظلمك بيدافعوا عنك ان ينجيك الله
هل هتلاقي احن وارق منهم؟!!
كن معهم ولا تلتفت عنهم طرفة عين فهم النجاة!!!!

وسطتك مين!!!!

يا بخت اللي عنده ظهر يسنده وقت الشدة!!!!! يدعمه ويقوية!!!!!!
ويا سلام بقة لو مسؤول كبير ذو نفوذ!!!!
ولا صديق مخلص يقف جنبك وقت الشدة!!!! ولا ابن صلب يقف في ظهرك!!!
ولا زوجة وفية تقف هي واهلها تسندك وتعزك
بس عارف فية احلى من دول كلهم!!!!
الله
الم تسمع قول الله تعالى
مَثَلُ الَّذِينَ اتَّخَذُوا مِن دُونِ اللَّهِ أَوْلِيَاءَ كَمَثَلِ الْعَنكَبُوتِ اتَّخَذَتْ بَيْتًا ۖ وَإِنَّ أَوْهَنَ الْبُيُوتِ لَبَيْتُ الْعَنكَبُوتِ ۖ لَوْ كَانُوا يَعْلَمُونَ 
هتركن لجبل يعصمك من الماء هتغرق!!!!
هتركن لوسطتك ونفوذك هتخذلك!!!!
هتركن لولدك وعزوتك هيفضحك بفشله واستهتاره !!!!!
هتركن للعنكبوت ستقع على ظهرك متألم !!!
اركن الى الله فهو الركن الشديد  وقل
حسبنا الله ونعم الوكيل نعم المولى والنصير والظهر والمعين
القوي المتين
كن معه بقلب ويقين يسخر لك كل شئ حتى العدو سيسخر لخدمتك منكسرا !!!!!

انت ادها!!!

الاب بيكلم ولاده كثير وينصحهم كثير كلامه لا يلقى قبول!!!
كلام حق ثقيل بس لازم يقوله خايف على ولاده!!!! مش هاين عليه ولاده !!!
نفسه كل كلمه يقولها لولاده ياخدوا بيها وينفذوها !!!!
وانت ساعات في الشغل تنصحبك مديرك اذاي ترفع انتاجية الموظفين مثلا بتحفزهم بطريقة ما وممكن ميسمعكش بس لازم تقول كلمة الحق لله!!!
لو مدرس في مدرسة ولقت تسيب او فساد ما مينفعش تسكت لازم تنبه بالحكمة واللين والرقة من غير ما تاذي حد ولا تسبب ضرر اكبر لمؤسستك!!! او مدرستك !!!

هي كده كلمة الحق قوية لا يقدر على حملها الا  رجال شداد عارفين انها ترضي الله
عارفين انها ستسبب لهم بعض المضايقات بعض المشاكل

الم تسمع قول الله تعالى
وَمَنْ أَحْسَنُ قَوْلًا مِّمَّن دَعَا إِلَى اللَّهِ وَعَمِلَ صَالِحًا وَقَالَ إِنَّنِي مِنَ الْمُسْلِمِينَ
عرفت كلمتك الطيبة كلمتك البناءه كلمتك المصلحة تعليك عند الله تفردك ترفعك
ومن احسن قولا  عزة وفخر لك!!! 
يهون في سبيلها معادة الفاسدين
يهون في سبيلها صبرك على العصاة والغافلين وتوعية عباد الله فهي النجاة لك وللعالمين!!!!

الهدهد!!!

تشوف بناتنا في الشارع تلاقيها مبهرجة تقول في نفسك معندهاش اهل يلموها يفهموها !!!!!
نشوف الناس تسب الدين في الشارع وتلاقي لا مبالاة ولا حد بيرد ولا بيصد الكلام مش لية!!!!!
نشوف الفساد في كل مكان انا مالي خليني جنب الحيط!!!!!
الروح ده روح فاسدة!!!
محصلتش حتى الهدهد!!!!
اللي كان متعرض للقتل او الذبح من سيدنا سليمان لانه لم يحضر طابور الصباح!!!!!

ولكنه كان عنده شئ اهم كان بينصر دعوة ربنا

وجاء بخبر عظيم تقشعر منه الابدان وتنهدم منه الجبال وتنخلع القلوب قوم لا يسجدوا لله
الم تسمع قول الله تعالى
وَجَدتُّهَا وَقَوْمَهَا يَسْجُدُونَ لِلشَّمْسِ مِن دُونِ اللَّهِ وَزَيَّنَ لَهُمُ الشَّيْطَانُ أَعْمَالَهُمْ فَصَدَّهُمْ عَنِ السَّبِيلِ فَهُمْ لَا يَهْتَدُونَ (24)
اي حمية اي رجولة اي حرص على لا اله الا الله اي حرص على نصرة الحق
هدهد يهدي امة
وانت مش واخد بالك من بنتك زوجتك جارتك ومن قريبتك ولا حتى من نفسك!!!! احرص على فجرك احرص على وردك احرص على لا اله الا الله تكن من الفائزين!!!

كفى بنا حاسبين

كلنا مبنحبش الظلم!!!!!
وبنحب ناخد حقنا ونسعى بكل الطرق للحصول عليه!!!!!
وممكن اكثر من حقنا!!!!
نتفق مع محامي شاطر شديد الحجة مقنع!!!!! ندعي ربنا يرزقنا بقاضي عادل!!!!!
بس مش دايما ندي الناس حقها!!!!
او نحرص على اعطائه!!!!!
وسهل نظلم الناس!!!!
ويا ولنا لو اتحكم فينا ظالم!!!!  هيذلنا!!!!
بس هيأتي يوم عظيم سينصب الموازين
وكل انسان هياخد حقه بلا عناء!!!
ولا هيحتاج محامي ولا شهود ولا لباقة ولا هتلحن بحجتك ولا هتبكي ولا هتندب  !!!!
اطمئن حقك هتخده كاملاّ
الم تسمع قول الله تعالى
وَنَضَعُ الْمَوَازِينَ الْقِسْطَ لِيَوْمِ الْقِيَامَةِ فَلَا تُظْلَمُ نَفْسٌ شَيْئًا ۖ وَإِن كَانَ مِثْقَالَ حَبَّةٍ مِّنْ خَرْدَلٍ أَتَيْنَا بِهَا ۗ وَكَفَىٰ بِنَا حَاسِبِينَ 
لا تبكي من ظلم الظالمين لا تبكي على ميراثك اللي راح!!!
لا تبكي على درجتك اللي فقدتها!!!!
لا تبكي على اموالك اللي سرقت!!!!
لا تبكي من تسلط الظالمين!!!!!
حتى لو خردلة هياتي الله بها
الم تسمع
وَكَفَىٰ بِنَا حَاسِبِينَ 

نعم كفى وكفى يا الله !!!!

هتصومه كام مرة!!!!

هتصومه كام مرة!!!!!!

تخيل حبيب يأتي لك مرة في السنة اكيد هتحسن استقبالة!!!!!

ومش هضيع دقيقة الا وانت  في حضنة ووده مهو شهر وهيسيبك تاني!!!!
وانت تقدر تخلي الشهر سنين من الحب !!!!!
لانك مش عارف هتقابله السنة اللي جاية ولا هيفرقك ولا تفارقه!!!
هو معاك الان متفرطش في حبيبك متزهدش فيه خليها بدل المرة مرات!!!
ذي رمضان صومه بدل المرة مرات بدل اليوم ايام !!!!!!
ناوي تصومه كام مرة؟!!!!
هتطعم كام مسكين؟ وهتاخد ثواب صيامهم!!!
هتختم كام مرة والمرة بسبعين مرة
هتصلي كام مرة بالمسجد والمرة بسبعين غير فضل صلاة الجماعة!!!!!!
هطلع زكاة في رمضان بسبعين ضعف!!!!
ركز ايام معدودات وثواب مئات السنين عمرك قصير ورمضان معه الكثير والكثير
الم تسمع قول الله تعالى

شَهْرُ رَمَضَانَ الَّذِي أُنزِلَ فِيهِ الْقُرْآنُ هُدًى لِّلنَّاسِ وَبَيِّنَاتٍ مِّنَ الْهُدَىٰ وَالْفُرْقَانِ ۚ فَمَن شَهِدَ مِنكُمُ الشَّهْرَ فَلْيَصُمْهُ
نعم تمسك بالفرصة تمسك بالحبيب تمسك بثواب لا يضاهية حتى الشهادة فكن على شوق واستعد واعزم وتوكل رمضان كريم!!!

لا تنسو اليتيم

لا تنسوا اليتيم!!!
اللي ملوش ظهر سهل كسره سهل ذله وهدمه!!!!!**
طب اللي ملوش اب او ام اكيد ملوش ظهر بنقول عليه يتيم!!!
وممكن نمصمص شفايفنا ياعيني ملوش حد!!!!
اطمن ايها اليتيم ظهرك هو الله قريب منك يراقبك ينشر لك رحمته يرسل لك رسوله وانبياءه ليبنوا لك الجدار ليحموا مالك وورثك ويحموك من جشع الظالمين!!!!
الم تسمع حديث رسول الله صلى الله عليه وسلم
خَيْرُ بَيْتٍ فِي الْمُسْلِمِينَ بَيْتٌ فِيهِ يَتِيمٌ يُحْسَنُ إِلَيْهِ ، وَشَرُّ بَيْتٍ فِي الْمُسْلِمِينَ بَيْتٌ فِيهِ يَتِيمٌ يُسَاءُ إِلَيْهِ ، ثُمَّ قَالَ بِإِصْبَعَيْهُ : أَنَا وَكَافِلُ الْيَتِيمِ فِي الْجَنَّةِ هَكَذَا ، وَهُوَ يُشِيرُ بِإِصْبُعَيْهِ
نعم لو مسحت على راس اليتيم ستاخذ حسنات بعدد شعر راسه سترافق رسول الله في الجنة سيرق قلبك ويزداد رحمة وايمان ونقاء سيملا بيتك بركة ورحمه ورزق وفير
فَأَمَّا الْإِنْسَانُ إِذَا مَا ابْتَلَاهُ رَبُّهُ فَأَكْرَمَهُ وَنَعَّمَهُ فَيَقُولُ رَبِّي أَكْرَمَنِ (15) وَأَمَّا إِذَا مَا ابْتَلَاهُ فَقَدَرَ عَلَيْهِ رِزْقَهُ فَيَقُولُ رَبِّي أَهَانَنِ (16) كَلَّا بَلْ لَا تُكْرِمُونَ الْيَتِيمَ
نعم اكرامك لليتيم يوسع رزقك ويزيدك الله عزه وكرامه
فلا تنسوا اولاد الشهداء  لا تنسوا من مات من اجل تراب هذا البلد يرحمكم الله!!!

رحمته!!!!

حبك وعطفك وعطاءك
هتديه لأقرب الناس ليك ابوك وامك واخوك واختك
وطبعا ولادك وزوجتك
وممكن يكون قلبك كبير
يشمل بعض اصدقاءك وزمايلك وجيرانك
يزيد وينقص حسب قربهم ليك ومبادلتهم حبهم ليك
بس مش ذي ربنا
حب ربنا ملوش حد يشمل كل الناس
حبه ليك رحمه بيك
بس الرحمه ده اكيد لليستاهلها
مش اي حد
اللي يتقي ربنا ويدفع زكاته ويقر ويعترف ويستسلم وينكسر لعظمته وآلائه التي لا تحصى ولا تعد

الم تسمع قول الله تعالى
وَرَحْمَتِي وَسِعَتْ كُلَّ شَيْءٍ ۚ فَسَأَكْتُبُهَا لِلَّذِينَ يَتَّقُونَ وَيُؤْتُونَ الزَّكَاةَ وَالَّذِينَ هُم بِآيَاتِنَا يُؤْمِنُونَ
متخيل نفسك ربنا يكتب اسمك عنده
فلان ابن فلان رحمتي شملته
مهما يروح ويجي
ده عبدي حرمت جسده على النار
مش هحاسبه هدخله الجنة بدون حساب او سابقة عذاب
مالك مستني اية هيشملك برحمته
بس انت كون عند حسن ظنه بيك!!!!

 

ارحم نفسك

مالك مش طايق نفسك لية !!!!
تخش البيت تشخط وتنتر
وتكهرب ولادك بدل ما تستقبلهم بابتسامة
تروح الشغل تكشر في وش العملاء
وكأنهم بيشحتوا منك
أقل كلمه بقصد أو بدون
تشد اللي قدامك وتتنرفز عليه لاتفه الاسباب
ماشي بالعربية عايز تتخانق مع دبان وشك
مش عايز تتعاون مع زميلك
وعايز تمشي رأيك بالعافية !!!
وبتشتكي الناس بتنفض من حولية لية !!!!!
ده مش اخلاق
الم تسمع قول الله تعالى
فَبِمَا رَحْمَةٍ مِّنَ اللَّهِ لِنتَ لَهُمْ ۖ وَلَوْ كُنتَ فَظًّا غَلِيظَ الْقَلْبِ لَانفَضُّوا مِنْ حَوْلِكَ
تشبه بسيدنا محمد وطول بالك على اهلك وجيرانك وزوجتك واصحابك
تكسب القلوب وتنال حسنات كالجبال
بالحب بالابتسامة مش هتكلفك حاجة!!! وهتعلمك اذاي تصبر على الناس واذاهم
فتتجمع الناس حوليك حتى لو مش بتحبهم فيباهي الله بك الملائكة ويكتب اسمك فى اعلى عليين فلان ابن فلان يلين لعبادي ويتشبه برسول الله صلى الله عليه وسلم
هه هتلين علشان ترضي ربنا
وتبطل نرفزة على عباد الله
فتستحوذ على القلوب والعقول !!!!

راعي ضميرك

يقولك راعي ضميرك شوية !!!
اصل ضميري بيأنبني
مش عارف انام!!!
حتى لو ملكش ملة !!!ّ
ضميرك هيوجعك
وده بيتوقف على تربية الاب والام لك
لانهم بيزرعوا فيك حب الخير
بس لو ضميرك مات تبلد !!!!
هتعمل اللي انت عايزه
محدش هيقدر يوقفك
عارف فيه أهم من الضمير
وأحق أن ترضية!!!
لانك ملكش غيره
الرقيب هو الله
تخيل كل فعل خطأ فكرت تعمله
تذكرت ان الله يراك ويراقبك
أكيد هتفكر ألف مرة قبل ما تعمله
الم تسمع قول الله تعالى
مَّا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ
كل كلمة كل تنهيده مكتوبة
لن يمل الملك ولن يفوت لك كلمة
منتبه لك أيها الانسان!!!!!!
فجعل خوفك من الله
ان صلح ضميرك من اجل الانسانية
فلن تؤجر علية!!!
ولكن اجعل ضميرك وخوفك وانينك وانسانيتك من اجل الله!!!
ينصلح عملك!!!
ويزداد قربك من الله
وحب الله لك !!!

كلامنا بحساب

التنازع والاختلاف في وجهات النظر!!!
والتناحر بالكلام يقسي القلب!!!
ويزرع الكراهية في القلوب!!!! 
قد تختلف في موضوع
وتكون انت على حق !!!!
ولكن الاختلاف هو الباطل !!!!
الذي يدحض الحق
ويقضي عليكم انتم الاثنين!!!!
يتنازع الاخ واخوه وبعد فترة
تسألهم اية سبب الاختلاف !!!
مش بعيد تلاقيهم نسيوا اصلا!!!
ولا يبقى الا الفرقة والضعف!!!!
ممكن الاخ يعيش ويموت
وميقولش لاخوه كلمه حلوة
ولا يحضنوه ويبكي على كتفة
خلي وجهة نظرك لنفسك بلاش تزعل بيها اخوك
وانت احتفظ بوجهة نظرك لنفسك
هتختلفوا بسبب الكورة تغور!!!
بسبب السياسة تغور!!!!
بسبب الميراث يذهب للجحيم!!!
اتحادك مع اخوك وابوك وابنك وزوجتك وصديقك
احب الى الله من اي اختلاف
يفتتكم ويقلص قوتكم
الم تسمع قول الله تعالى
وَاعْتَصِمُوا بِحَبْلِ اللَّهِ جَمِيعاً وَلا تَفَرَّقُوا
احترم اخوك الكبير وانزل على رأية حتى لو غلط هتكسب أخوك
وتصبحوا انتم الاثنين اقوى واحب الى الله
تفرقنا بداية نهايتنا
واتحادنا واعتصمنا بحبل الله قوة
وفرض علينا من الله
ان نسمع اوامره ونتبعها
فننال رضا الله ورسوله
واحترام العدو قبل الصديق !!! 

طريقك مش سهل

طريق الحق طويل!!!!!تمر بلحظات ضعف وتعتقد انه مفيش فايدة!!!! هو انا هصلح الكون!!!!!! الفساد كالسلطان منتشر في الجسد كله !!!!!
وتاخد جنب يتساقط البلاء عليك من كل جانب تريد الرجوع يأبى المولى رجوعك مش هتجب علينا!!!
ولكن اطرق بابه بالاستغفار وكن ذي سيدنا يونس وقل  لا اله الا انت سبحانك اني كنت من الظالمين عسى ان يقبلك ويرفع عنك البلاء وتكون من رجال المولى فتكن من الفائزين !!!

الظلم

صديقك لما تزعل منه تعاتبه!!!!!
ولكن لو اهملته ولم تعطيه فرصة يدافع عن نفسه أو حتى يعتذر!!!!!
اكيد عمل جرم كبير اكيد ظلمك ظلم عظيم!!! هكذا الله لا يرضى بالظلم ولا يقبل اعتذار الظالم ده كمان هيهمله مش هيعتبه الم تسمع قول الله تعالى بسم الله الرحمن الرحيم فَيَوْمَئِذٍ لَّا يَنفَعُ الَّذِينَ ظَلَمُوا مَعْذِرَتُهُمْ وَلَا هُمْ يُسْتَعْتَبُونَ صدق الله العظيم

حافظ علىقلبك

اوعى تفتكر انك لما تسمع اغاني ولا تتفرح على مسلسلات قلبك هيفضل نقي صافي انت بتحلم!!!
قلبك هيتعكر ويسود ويقسو عليك ولا تتأثر بالقرآن ولا بالصلاة
الم تسمع قول الله تعالى
فَوَيْلٌ لِّلْقَاسِيَةِ قُلُوبُهُم مِّن ذِكْرِ اللَّهِ ۚ أُولَٰئِكَ فِي ضلَالٍ مُّبِين صدق الله العظيم
نقي قلبك اول باول بذكر لله لتنجو من وعيد  الله وتحافظ على قلب صافي نقي يقبله الله

هيحاصرووك

ممكن تظبط امورك وتهرب من القاضي وتحول الحق باطل
هتدفع فلوس هتلحن بالقول هتأجر شهود  هتجيب محامي شاطر
لكن في الآخرة مهما بكيت مهما كذبت مهما تحايلت هتلاقي ادلة وشهود مش في الحسبان هيحاصروك هيخرصوك الم تسمع قول الله تعالى يَوْمَ تَشْهَدُ عَلَيْهِمْ أَلْسِنَتُهُمْ وَأَيْدِيهِمْ وَأَرْجُلُهُم بِمَا كَانُوا يَعْمَلُونَ
جوارحك لحمك هتشهد عليك فاحترص منها واجعلها لا ترى منك الا الخير والصلاح فهي رقيب عليك !!!!!

النور

استبشر فصلاة الفجر نور في الوجة وهالة بيضاء تحوط الجسد كله!!!!! وسعة في الرزق ووقاية من ميتة السوء وبركة في الوقت وقوة في الجسد!!!!
يذكرك الله وملائكته بالاسم فور صلاتها!!!!
والفجر ،و ليالٍ عشر ، و الشفع و الوتر
عمرك مش سنين!!!!!
عمرك عدد ما حصدته من صلوات وخصوصا صلاة الفجر !!!!!!!!!!!!
فبها تمسك فهي السعادة لك في الدنيا والنجاة لك يوم القيامة!!!!

الصلاة

الانسان قبل ما يموت اكيد آخر كلمات قالها اكيد عاش من اجلها!!!!!!!
وقبل وفاة الرسول مباشرة وهو في مرض الموت خطب في الصحابة وقال لهم
الصلاة الصلاة
نعم الصلاة!!!!!  الم تسمع قول الله تعالى
إِنَّ الصَّلاةَ كَانَتْ عَلَى الْمُؤْمِنِينَ كِتَابًا مَوْقُوتًا

قَدْ أَفْلَحَ الْمُؤْمِنُونَ* الَّذِينَ هُمْ فِي صَلَاتِهِمْ خَاشِعُونَ 
الصلاة لك نجاة
الصلاة لك نور في يوم لا نور لك الا من صلاتك !!!!!!
تطوقك فتنير لك الطريق ومن يسير معك الى الله فتمسك بها وعليها احرص!!!
فالمال للورثة والجاة للفناء
ولن يبقى معك الا الصلاة فبها تمسك!!!!!

متسرحش!!!

نشوف الشباب ضايع نعمل من بنها نشوف الاطفال متسكة في الطرقات مفكرناش نحتوي الاولاد دول ونحفظهم قرآن  انا مالي هصلح الكون
الم تسمع قول الله تعالى
وَذَكِّرْ فَإِنَّ الذِّكْرَىٰ تَنفَعُ الْمُؤْمِنِينَ
ايوة توعية الناس والشباب وتذكرهم بالله ترفع قدرك عند الله وعند الناس وقد تكون سبب في هداية شاب وتحفيظ طفل القرآن فيحفظ الله لك هذا ويحفظ اولادك وزوجتك وبيتك

عمرك حسناتك

متفرحش قوي انك عمرك طويل!!!! وانت متزعلش انك عمرك قصير !!!!!!
عمرك هيتحسب بعدد الانجازات اللي عملتها في حياتك!!!!
ربت عيالك كويس و علمتهم كويس!!!!!!!! اغثت كام انسان!!!! تصدقت باد اية!!!!ادت شغلك بضمير !!! علمته ونقلت خبرتك لزمايلك!!! علمت كام فقير
ايوة صلت كام مرة بخشوع!!!
ذكّرت كام صديق بربنا!!!!!!!
الم تسمع قول الله تعالى
قُلْ إِنَّ صَلَاتِي وَنُسُكِي وَمَحْيَايَ وَمَمَاتِي لِلَّهِ رَبِّ الْعَالَمِينَ
ان كانت حياتك لله فهي حياة طويلة مباركة وان قصرت!!!!!! وان كانت لغير الله وان طالت فهي حياة قصيرة لا خير فيها لانها لا تحصد حسنات!!!!!!
فهي وبال عليك فاحترس اخي الحبيب فالعمر قصير والاجر عظيم!!!!