الفلوس مش مكفية!!!!

ساعات كثير تبقى مخنوق عندنك ملل مش طايق نفسك ولا طايق حد

 قلبك مقبوض  مش عايز تسمع حد ولا قادر تكلم حد 

ده بقى غير المشاكل المادية وضغوط الاولاد والزوجة الكل عايز وانت مش قادر 

شغل شغال صبح وليل ومش مكفي مع ان نفس الفلوس ده ممكن تفتح بيتين وثلاثة امال اية المشكلة

مبتذكروش أيوة مبتفتكروش مبتستعنش به في كل امورك 

ذنوبك كثير قلبك قاسي سماعك للقرآن شبة معدوم 

بتقول دعاء الخروج من المنزل لا بتقول دعاء ركوب الدابة السيارة الاتوبيس المترو الموتسيكل المركب !!!!!  ابدا 

بتقول اذكار الصباح والمساء

ألم تسمع قول الله تعالى

 

وَمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنْكًا وَنَحْشُرُهُ يَوْمَ الْقِيَامَةِ أَعْمَى (124) قَالَ رَبِّ لِمَ حَشَرْتَنِي أَعْمَى وَقَدْ كُنْتُ بَصِيرًا (125) قَالَ كَذَلِكَ أَتَتْكَ آيَاتُنَا فَنَسِيتَهَا وَكَذَلِكَ الْيَوْمَ تُنْسَى

اذكره دائما كل ما تلاقي نفسك فاضي اذكره في المترو في المطبخ وانت بتتطبخي في العمل وانت بتذاكر متنساش تذكره وانت حتى قاعد على القهوة وانت بتتفرج على الماتش خليه دايما شغلك الشاغل وكل ما تذكره اعرف انه بيحبك اعرف انه راضي عنك واعرف ان ذكرك له هيطهر قلبك وكلما زاد ذكرك زاد حبك للقرآن وزاد قربك من الرحمن وبارك الله في صحتك وبارك في رزقك وحفظ اولادك وزوجتك من كل شر 

ونختم بنصيحة اذكره اليوم يتذكرك ولا ينساك  غدا وانت بين يدي الرحمن 

أنا الكبير!!!!!!! ههههههه

كل انسان يحب يظهر نفسه في احسن حالة الدكتور يقولك أنا دكتور والمهندس يقولك أنا مهندس والزعيم يقولك أنا زعيم والشيخ يقولك أنا الشيخ 

مينفعش تقول اخوك محمد اخوك خالد لازم يعني تظهر القب لازم تزكي نفسك سيب الناس هي اللي تقدرك وتعطيك قدرك لو انت فعلا صالح هيقولوا عليك شيخ حتى لو مش ملتحي 

ورايح جاي يقو لك  انا بساعد الناس ده انا بسلف الناس ده انا عارف كل حاجة 

أنا الوحيد اللي شغال أنا الوحيد اللي بفهمها وهي طائرة 

بس ربنا بيتعجب من الناس ده الم تسمع الآية الكريمة

أَلَمْ تَرَ إِلَى الَّذِينَ يُزَكُّونَ أَنفُسَهُم ۚ بَلِ اللَّهُ يُزَكِّي مَن يَشَاءُ وَلَا يُظْلَمُونَ فَتِيلًا 

هتزكي نفسك وانا اللي مجبتوش ولاده أنا شعب الله المختار أنا امريكي أنا الماني 

الله هو اللي هيزكيك ويسخر عباده لرفع قدرك عند الناس 

ولن يظلمك شئ حتى الفتيل وهو الوسخ بين الأصابع سيجازيك عليه 

يتعجب الله من عباد يبجلوا أنفسهم وكأنهم عجينة مختلفة 

بيعملوا اللي محدش عرف يعمله 

تواضع لله وحده يرفع قدرك ويعلي شأنك وتكن من المحمودين عند الله ورسوله والناس اجمعين

ونختم بالآية الكريمة

فَلَا تُزَكُّوا أَنْفُسَكُمْ ۖ هُوَ أَعْلَمُ بِمَنِ اتَّقَىٰ

هدفك هو حياتك

الهدف شئ مهم في حياتنا وده بيفرقنا عن الاموات 

بس مفيش حاجة سهلة لازم تتعرض لمطبات ومشاكل وشد وجذب علشان توصل لهدفك ومهما كان هدفك صعب مع الإصرار وسهر  الليالي هتقدر تحققه 

ساعات كثير يجيلنا احباط ذهق تحس ان هدفك مستحيل اذاي هقدر ده المدرسة متعبة والمدرسين نصفهم بيقلب وعايز يخلص الحصة وخلاص ولا يهمه حد يفهم ولا ديولوا والمدير عايز ظبط وربط مش مهم العيال فاهمة !!!!

مهما كان الشوك مؤلم بس لذة الوصول للهدف لها طعم تاني

 لذة الثقة بالنفس لذة اثبات ذاتك امام نفسك واهلك واصحابك وولادك لذة النجاح وتحقيق الذات 

بس هقولك 

أجمل هدف في حياتك ممكن متكنش واحد بالك منه  هو لذة ارضاء الله هياخد منك مجهود مهول في صلاتك في علاقاتك مع زوجتك واولادك 

امانتك في عملك خلقك الحسن 

قدوة وتثبيت اللي حوليك

 هدف الجنة مش سهل ملئ بالفتن والاشواك اوعى تخلي الدنيا تنسيك هدفك الحقيقي 

﴿إِنَّ الَّذِينَ آمَنُوا وَعَمِلُوا الصَّالِحَاتِ إِنَّا لَا نُضِيعُ أَجْرَ مَنْ أَحْسَنَ عَمَلًا * أُولَئِكَ لَهُمْ جَنَّاتُ عَدْنٍ تَجْرِي مِنْ تَحْتِهِمُ الْأَنْهَارُ يُحَلَّوْنَ فِيهَا مِنْ أَسَاوِرَ مِنْ ذَهَبٍ وَيَلْبَسُونَ ثِيَابًا خُضْرًا مِنْ سُنْدُسٍ وَإِسْتَبْرَقٍ مُتَّكِئِينَ فِيهَا عَلَى الْأَرَائِكِ نِعْمَ الثَّوَابُ وَحَسُنَتْ مُرْتَفَقًا

وانت بتسعى في الدنيا اوعى تنسى هدفك الحقيقي اريه منك ثبات اريه منك صلاح ربنا مش هيضيع  اريه منك أجمل ما فيك تكن من أهل الجنان 

ثقيلة كالجبال

كلنا بنحب الأمين ونلجا له وقت الشدة لو هنعمل عملية لاقدر الله نسعى لطبيب أمين لحسن نتقلب في كليه بعد الشر !!!!

ولو عندنا قضية نلجأ لمحامي شاطر والأهم يكون أمين لحسن يبعنا للخصم!!!!

ولو عايز ابنك يفلح تتمنى لابنك مدرس أمين يراعي ربنا في ولادك ولو هتروح صيدلية تحب تتعامل مع صيدلي أمين يخفف عنك وينصحك بالبديل رخيص الثمن

 ولو عندك حاجة خايف عليها

 تشلها عند صديقك أمين 

وممكن تعمل توكل لصديق أمين احسن من اخوك حتى 

ولو هتوظف موظف ولا هتتصدر لحد في شغل هتتأكد من أمانته هكذ الإنسان يحب الأمين 

و الأمانة كلمه تقدر تقولها آلاف المرات ولكن لايقدر على حملها أعتى الرجال لأنها ثقيلة كالجبال حتى الجبال اعتذرت عن حملها لعظم المسؤولية   

فخلق الإنسان لحملها 

إِنَّا عَرَضْنَا الأَمَانَةَ عَلَى السَّمَاوَاتِ وَالأَرْضِ وَالْجِبَالِ فَأَبَيْنَ أَنْ يَحْمِلْنَهَا وَأَشْفَقْنَ مِنْهَا وَحَمَلَهَا الإِنْسَانُ إِنَّهُ كَانَ ظَلُومًا جَهُولا 

فلم يستطع الا القليل على حملها اختارهم الله بعناية انهم الانبياء ومن سار على نهجهم إلى يوم القيامة هنيئا لهم حمل الامانة 

فمقامهم عند الله عظيم لأنهم ضحوا بوقتهم وأموالهم وحياتهم كلها ورفاهيتهم في سبيل  توصلها للعالمين

انها أمانة لا اله الا الله فكن ادها يفتخر بك الله ورسوله والسموات والأرض والجبال والناس اجمعين

نعمة

نعم الله علينا لا تحصى ولا تعد لو بتشتغل نعمه

 لو عندك اولاد نعمه

 لو عندك زوجة نعمه 

لو تقدر تاكل فول نعمه

 لو صحتك كويسة وتقدر تروح وتجي نعمه

 ده لو تقدر  تسدد ولو جزء من دينك نعمه 

هوانا معتدل طول العام نقدر نروح جنينه ولادنا بيلعبوا امام البيت في آمان 

مصر آمنة خصها الله بالامن 

ألم تسمع قول الله تعالى

ادْخُلُوا مِصْرَ إِنْ شَاءَ اللَّهُ آمِنِينَ 

فهل شكرنا الله على نعمه هل عبدناه حق عبادته الم تسمع قول الله تعالى عن أهل قريش

 لإِيلَافِ قُرَيْشٍ (1) إِيلَافِهِمْ رِحْلَةَ الشِّتَاءِ وَالصَّيْفِ (2) فَلْيَعْبُدُوا رَبَّ هَذَا الْبَيْتِ (3) الَّذِي أَطْعَمَهُمْ مِنْ جُوعٍ وَآمَنَهُمْ مِنْ خَوْفٍ 

ايلاف النعمة والتمرغ فيها

أليس مقابل نعمه عليهم ان يعبدوه اطعمهم من جوع من خلال التجارة وجعل لهم مهابة عند القبائل لوجود بيت الله الحرام 

آمنهم في مكة وفي رحلتهم المستمرة طول العام بين الشام واليمن 

اجتهد ايها الحبيب اشكره احمده على نعمه التي لا تحصى ولا تعد 

لا تألف النعمة وتنسى المنعم

فشكواك وتزمرك والفك للنعمه هو بداية زواها حافظ على نعمه بمداومة شكره 

اعبده اشكره فليس لك رب سواة 

بيدعيلك

اللي بيحبوك دائما يدعولك بظهر الغيب مهو مش عايزين منك حاجة عايزينك تبقى احسن واحد في الدنيا  ويزعلوا قوي لو اصابك مكروه او حد ضايقك 

مفيش كلام الام والاب رقم واحد حبهم ليك مهول يمكن انت ما تحسش به إلا لو كنت اب وعندك اولاد هتعرف اد أية همه بيحبوك ويدعولك بالتوفيق والنجاح وراحة البال والرزق الوفير 

ويا سلام لو عندك صديق صالح يدعيلك بظهر الغيب بدون رياق ولا مصلحة 

ولا ابن صالح يدعوا لك 

بس عارف فيه حد بيحبك أكثر من دول كلهم ايوه أكثر من امك وابوك وزوجتك وصحبك وولادك 

هو الله خالقي وخالقك 

الم تسمع قول الله تعالى

هو الَّذِي يُصَلِّي عَلَيْكُمْ وَمَلَائِكَتُهُ لِيُخْرِجَكُم مِّنَ الظُّلُمَاتِ إِلَى النُّورِ ۚ وَكَانَ بِالْمُؤْمِنِينَ رَحِيمًا 

الله يدعوا لك بأهم شئ قد يغفل عنه امك وابوك يدعوا لك بالصلاح بالهداية يتمنى لك الخير يتمنى لك الجنة دعاءه رحمه بك 

ده كمان بيسخر ملائكته تدعوا لك ليل نهار ويرسل رسوله الواحد تلو الآخر من اجلك انت 

فهل شكرناه على نعمه الاسلام هل شكرناه على رحمته واهتمامي بنا هل عبدناه حق عبادته 

تمسك بالفرصة تمسك بطاعته فلن تجد احن واقرب اليك منه فهو أحق بهتمامك أحق أن تذكره أحق أن تتودد إليه فلن ينفعك غيره ولن تجد اقرب اليك منه!!!!

 

مريض بعيد عنك.!

ناس كثير تحب تدعي الصلاح والورع وهي ابعد منه يا سلام بقى لما تقوله يا حاج فلان وهو ولا حج ولا عمل 

ولا حتى حج بس كان نيته يروح يتاجر ويلقط رزقه وحج بالمرة علشان يشتري لقب يتأنزح به على عباد الله 

ولا الموظف اللي يحب يطلع على زمايله يزنبك فيهم ليل نهار ولما تجيلوا الفرصة يظهر شغل زميله على أنه هو اللي عمله ومحدش بيشتغل غيره وكل اللي حوليه ملهمش لازمة 

والمدير اللي يحب تبجل فيه وتمدحه عمال على بطال وهو بعيد عن المدح ده

كل دول نفسهم يحمدوا ويبجلوا و نشكر فيهم ليل نهار على انهم ناس شغالة نحمدهم بما لم يفعلوا مرض بعيد عنك بس لو سمعوا قول الله تعالى يمكن يرجعوا خطوة

بسم الله الرحمن الرحيم

لا تَحْسَبَنَّ الَّذِينَ يَفْرَحُونَ بِمَا أَتَوا وَّيُحِبُّونَ أَن يُحْمَدُوا بِمَا لَمْ يَفْعَلُوا فَلَا تَحْسَبَنَّهُم بِمَفَازَةٍ مِّنَ الْعَذَابِ ۖ وَلَهُمْ عَذَابٌ أَلِيمٌ

لا تدعي الصلاح ولا تدعي العلم ولا تدعي المهارة ولا تدعي العبقرية ولا تدعي الكفاءة ولا تنسب عمل غيرك ليك تنجوا من سخط الله اعطي كل ذي حق حقه تكن من الفائزين المقبولين عند الله ورسوله ويحترمك الناس ويثقوا فيك

أنا الكبير !!!!!!!هههههههه

كل انسان يحب يظهر نفسه في احسن حالة الدكتور يقولك أنا دكتور والمهندس يقولك أنا مهندس والزعيم يقولك أنا زعيم والشيخ يقولك أنا الشيخ 

مينفعش تقول اخوك محمد اخوك خالد لازم يعني تظهر القب لازم تزكي نفسك سيب الناس هي اللي تقدرك وتعطيك قدرك لو انت فعلا صالح هيقولوا عليك شيخ حتى لو مش ملتحي 

ورايح جاي يقو لك  انا بساعد الناس ده انا بسلف الناس ده انا عارف كل حاجة 

أنا الوحيد اللي شغال أنا الوحيد اللي بفهمها وهي طائرة 

بس ربنا بيتعجب من الناس ده الم تسمع الآية الكريمة

أَلَمْ تَرَ إِلَى الَّذِينَ يُزَكُّونَ أَنفُسَهُم ۚ بَلِ اللَّهُ يُزَكِّي مَن يَشَاءُ وَلَا يُظْلَمُونَ فَتِيلًا 

هتزكي نفسك وانا اللي مجبتوش ولاده أنا شعب الله المختار أنا امريكي أنا الماني 

الله هو اللي هيزكيك ويسخر عباده لرفع قدرك عند الناس 

ولن يظلمك شئ حتى الفتيل وهو الوسخ بين الأصابع سيجازيك عليه 

يتعجب الله من عباد يبجلوا أنفسهم وكأنهم عجينة مختلفة 

بيعملوا اللي محدش عرف يعمله 

تواضع لله وحده يرفع قدرك ويعلي شأنك وتكن من المحمودين عند الله ورسوله والناس اجمعين

ونختم بالآية الكريمة

فَلَا تُزَكُّوا أَنْفُسَكُمْ ۖ هُوَ أَعْلَمُ بِمَنِ اتَّقَىٰ