صحبك مرايتك!!!

رايح فين يا ابني!!!!!
رايح عند صحبي!!!!
مش ده اللي ماشيه بطال !!!!!
ماما بلاش الكلام ده !!!!
ده جدع وعلى طول معايا!!!
بس خد بالك مفيش انسان بايظ ولا فاشل ولا مدمن الا ويحب ولا يهدأ له بال الا ويخليك مثله علشان ميبقاش حد احسن من حد!!!! بيشرب سجائر هيفضل وراك ويخليك تشربها هيزني هيدمن مش هيسبك!!!!!
والعكس صحيح!!!
الصالحين يتنافسوا في ارضاءك واصلاحك لزيادة رصيد حسناتهم عند الله ووقت الشدة يجروا معاك
مش عايزين منك حاجة
همه عايزين من الله !!!!!
ينفطر قلبهم ويتمنوا لك الصلاح
الم تسمع قول الله تعالى
الْأَخِلَّاءُ يَوْمَئِذٍ بَعْضُهُمْ لِبَعْضٍ عَدُوٌّ إِلَّا الْمُتَّقِينَ صدق الله العظيم
مش انت بتحب الفاشل الفاسد في الدنيا هتحشر معاه وفي الآخرة هيبقى عدوك وتتمنى له ضعف العذاب هو اللي غواك !!!!
الم تسمع قول الله تعالى
يَا وَيْلَتَى لَيْتَنِي لَمْ أَتَّخِذْ فُلانًا خَلِيلا
الا المتقين سيحشروا مع بعض كما حبوا بعض في الدنيا ستجمهم الجنة ورحمة الله في الآخرة
اللهم اجعنا منهم ورزقنا بالصديق الصالح ليأخذ بأيدينا الى الجنة!!!!

التمسك بلا اله الا الله

الاب يحب يفتخر بابنه الناجح ذو المركز المرموق !!!!
والمدرس يفتخر بتلميذه المتفوق!!!!
كل انسان يعتز بشئ صنعه على يده يحبه ويفتخر به!!!!
طب المولى عز وجل يفتخر بمين ؟!!!
فتيه !!! (شباب صغير) لم يذكر اسمهم او نسبهم او جاهم او سلتطهم!!!
ولكن ذكر ورعهم وحبهم لله وتمسكهم بلا اله الا الله
إِنَّهُمْ فِتْيَةٌ آمَنُوا بِرَبِّهِمْ وَزِدْنَاهُمْ هُدى
فرووا بدينهم من السعة والنفوذ الى كهف مظلم موحش لا حياة فيه حرصين على اعلاء لا اله الا الله وخايفن الا يحرموا منها
الم تسمع قول الله تعالى
إنهم إن يظهروا عليكم يرجموكم أو يُعِيدُوكُمْ فِي مِلَّتِهِمْ وَلَن تُفْلِحُوا إِذًا أَبَدًا (20)
منفسكش ربنا يفتخر بيك
منفسكش يذكرك ذي اهل الكهف الى يوم القيامة
منفسكش يمجدك وتكون اول الفائزين برضا الله
اجعل لا اله الا الله في قلبك ونافح عنها حتى لو كنت في كهف مظلم
سينشر الله لك رحمته وتكن من الخالدين الفائزين في الدنيا والآخرة!!!

المخلصين المتنقين!!!

لو تقدمت لوظيفة اكيد هتمر بكذا اختبار علشان تظفر بها!!!!!
وهتبقى سعيد انهم اختاروك انت بالذات !!!
ده دليل انك متفوق وخصوصا لو كانت شركة كبيرة !!!!
واي مسؤول ناجح بيختار اكفأ الموظفين المقربين يشتغلوا معاة !!!!
طب منفسكش تبقى من المقربين الى الله !!!!
تبقى من الصفوة اللي ربنا بيختارهم على الفرازة
دول هيفتخر بهم في الدنيا امام الملائكة وسيسدد رميهم ويعلي قدرهم  ويحفظهم من كل سوء ويوم القيامة هيدخلوا الجنة بلا حساب في اعلى عليين
الم تسمع قول الله تعالى
كَذَٰلِكَ لِنَصْرِفَ عَنْهُ السُّوءَ وَالْفَحْشَاءَ ۚ إِنَّهُ مِنْ عِبَادِنَا الْمُخْلَصِينَّ
ايوة منفساكش ربنا يختار ويستخلصك له من بين الخلق اكيد نفسك
اريه منك اخلاص اريه منك ثبات في محاربة الفساد ارية منك رفق بعباده سرعة في اغاثة الملهوف ورع وركوع وسجود وبكاء لله وحده
تكن من المنتقين الاخيار
وتُذكر في اعلى عليين الى يوم القيامة!!

اصبر ولك الجنة

طبيعة الانسان يحب يلعب ويبقى براحته وميحبش حد يوجة ولا ينصحة ولا يكبس على نفسه بس لو حصله مشكله يجري على الصالح الطيب اللي يتوسم فيه الخير ويقوله ادعلي يا عم الشيخ على الرغم انه مفيش سابق معرفة بينهم!!!
ولو كان في صحراء جرداء او مكان مكشوف والدنيا شمس
هتدور على اقرب شجرة تستظل فيها وتاكل من ثمارها وتسعد بها
هكذا الحق هكذا اهل الحق هكذا الداعاة هكذا الصالحون
قربك منهم ظل ورحمه ورزق ومنزله وقرب من الله
الم تسمع قول الله تعالى

وَاصْبِرْ نَفْسَكَ مَعَ الَّذِينَ يَدْعُونَ رَبَّهُم بِالْغَدَاةِ وَالْعَشِيِّ يُرِيدُونَ وَجْهَهُ ۖ وَلَا تَعْدُ عَيْنَاكَ عَنْهُمْ تُرِيدُ زِينَةَ الْحَيَاةِ الدُّنْيَا ۖ وَلَا تُطِعْ مَنْ أَغْفَلْنَا قَلْبَهُ عَن ذِكْرِنَا وَاتَّبَعَ هَوَاهُ وَكَانَ أَمْرُهُ فُرُطًا 
ايوة الصالحون متخسرهمش تمسك بهم وعيش في ظلهم فهم لا يشقى بهم جليسهم هينولك من الحب جانب !!!!
وخد بالك ربنا بينهاك تقترب من الغافلين عن ذكره وحبه
ويامرك ان تتمسك بالصالحين فهم النجاة هم الظل في يوم لا ظل لك الا عملك الصالح

الكلمة الطيبة

اوعى تفتكر لما تقول كلمة في حق زميل او ترد غيبته او ترفع قدره ولا مسحت على رأس يتيم ولا وقفت مع مظلوم ولا شهدت بكلمة حق في المحكمة!!!
اكيد لو انتظرت شكر على كل كلمة طيبة قلتها ممكن تحبط من جحود البشر !!!!!
ولكن لو عرفت قدر الكلمة الطيبة
اللي ستسجل عند الله في اعلى عليين
ده هتغرز في الارض وستظلك يوم القيامة في وقت لن ينفعك فيه الا كلمتك الطيبة
الم تسمع قول الله تعالى
أَلَمْ تَرَ كَيْفَ ضَرَبَ اللَّهُ مَثَلًا كَلِمَةً طَيِّبَةً كَشَجَرَةٍ طَيِّبَةٍ أَصْلُهَا ثَابِتٌ وَفَرْعُهَا فِي السَّمَاءِ 
كلماتك الطيبة سيغرز لك جذور من الشجر المثمر يظلك في الدنيا بحفظة ويظلك يوم القيامة
فتمسك بكلماتك الطيبة ولا تبخل بها ما دمت قادر عليها ستثمر ويصلك ريعها وانت في قبرك وتفاجأ بمحصول من الحسنات يسد عين الشمس
وتقول من اين لي بهذا؟!! فيقال لك هذه كلمتك الطيبة اللي انقذت بها فلان ورفعت قدر فلان فلا تبخل بها فهي النجاة!!!!!

حقك هتاخده!!!!

كلنا مبنحبش الظلم!!!!!
وبنحب ناخد حقنا ونسعى بكل الطرق للحصول عليه!!!!!
وممكن اكثر من حقنا!!!!
نتفق مع محامي شاطر شديد الحجة مقنع!!!!! ندعي ربنا يرزقنا بقاضي عادل!!!!!
بس مش دايما ندي الناس حقها!!!!
او نحرص على اعطائه!!!!!
وسهل نظلم الناس!!!!
ويا ولنا لو اتحكم فينا ظالم!!!!  هيذلنا!!!!
بس هيأتي يوم عظيم سينصب الموازين
وكل انسان هياخد حقه بلا عناء!!!
ولا هيحتاج محامي ولا شهود ولا لباقة ولا هتلحن بحجتك ولا هتبكي ولا هتندب  !!!!
اطمئن حقك هتخده كاملاّ
الم تسمع قول الله تعالى
وَنَضَعُ الْمَوَازِينَ الْقِسْطَ لِيَوْمِ الْقِيَامَةِ فَلَا تُظْلَمُ نَفْسٌ شَيْئًا ۖ وَإِن كَانَ مِثْقَالَ حَبَّةٍ مِّنْ خَرْدَلٍ أَتَيْنَا بِهَا ۗ وَكَفَىٰ بِنَا حَاسِبِينَ 
لا تبكي من ظلم الظالمين لا تبكي على ميراثك اللي راح!!!
لا تبكي على درجتك اللي فقدتها!!!!
لا تبكي على اموالك اللي سرقت!!!!
لا تبكي من تسلط الظالمين!!!!!
حتى لو خردلة هياتي الله بها
الم تسمع
وَكَفَىٰ بِنَا حَاسِبِينَ 

نعم كفى وكفى يا الله !!!!

شايل همها !!!!

تشوف بناتنا في الشارع تلاقيها مبهرجة تقول في نفسك معندهاش اهل يلموها يفهموها !!!!!
نشوف الناس تسب الدين في الشارع وتلاقي لا مبالاة ولا حد بيرد ولا بيصد الكلام مش لية!!!!!
نشوف الفساد في كل مكان انا مالي خليني جنب الحيط!!!!!
الروح ده روح فاسدة!!!
محصلتش حتى الهدهد!!!!
اللي كان متعرض للقتل او الذبح من سيدنا سليمان لانه لم يحضر طابور الصباح!!!!!

ولكنه كان عنده شئ اهم كان بينصر دعوة ربنا

وجاء بخبر عظيم تقشعر منه الابدان وتنهدم منه الجبال وتنخلع القلوب قوم لا يسجدوا لله
الم تسمع قول الله تعالى
وَجَدتُّهَا وَقَوْمَهَا يَسْجُدُونَ لِلشَّمْسِ مِن دُونِ اللَّهِ وَزَيَّنَ لَهُمُ الشَّيْطَانُ أَعْمَالَهُمْ فَصَدَّهُمْ عَنِ السَّبِيلِ فَهُمْ لَا يَهْتَدُونَ (24)
اي حمية اي رجولة اي حرص على لا اله الا الله اي حرص على نصرة الحق
هدهد يهدي امة
وانت مش واخد بالك من بنتك زوجتك جارتك ومن قريبتك ولا حتى من نفسك!!!! احرص على فجرك احرص على وردك احرص على لا اله الا الله تكن من الفائزين!!!