استغلال السلطة

تلاقي الزوج في البيت يشخط وينتر
ومش هامه حد
مش عاجبك روحي على امك
مش عجبك هحرمك من المصروف
استغلال للسلطة بس على اللي  اضعف منك
ونفس الشئ اي مسؤول في موقعة ممكن ياخد قرارات بسهولة يشق بها على الناس
ويضيع حقوق ناس لارضاء حاشيته
ويشد على المحترم ويسيب للمنافقين
والمدرس ممكن يحرم الطالب المجتهد
من اعمال السنة علشان مبيدخلش عنده درس
كل دول بيستغل سلطته كلا حسب موقعه
الناس ده امانه عندك
ارفق بهم يرفق بك الله
الم تسمع دعاء سيدنا محمد صلى الله عليه وسلم
اللهم من ولى من امر امتي شيئا فشق عليهم فاشقق عليه ومن ولى من أمر امتي شيئا فرفق بهم فارفق به
سلطتك مش قوة
سلطتك مسؤوليه
تحكم بها بالعدل
وترفق بالضعيف وصاحب الحاجة والمريض
ولا تاخذ قرارات وانت غضبان
ولا تعاقب عقاب جماعي
علشان زعلان من ابنك الكبير
مثلا تعاقب بقية اولادك
سيدنا محمد صلى الله عليه وسلم
سيقف لك بالمرصاد
ودعاءه سيبقى لعنه على كل ظالم يظلم
من هو اضعف منه
ومن هو مسؤول عنه