تلاقي الموظف من دول عايز يوصل
على حساب زميله وممكن يكون صاحبه
يوصل رسائل للادارة سلبيه وكذب
ليشنكله علشان يطلع على كتفه
والمدرس اللي يذم في زميله
علشان ياخد منه الطلبة يعطهم دروس
ويا ويلك بقى في الغربة
وما تتعرض له من مكائد من زمايلك ليكسروك
ده حتى نسمعها كثير المصريين وحشين في الغربة
فاكرنها شطارة نصاحة فهلوة لقم
لكن الحقيقة انك بتقرب من النار وتبتعد عن الجنة
ده اسمه غيبة
والمغتاب ملعون من الله ورسوله والناس اجمعين
لما تنقل الكلام على غير الحقيقة
المغتاب لا يفرق عن الخنزير راسه في التراب ياكل الجيفه
رائحة فمه نتنه يبغضه الناس وان بدى لك عكس ذلك
الم تسمع قول الله تعالى
ولا يغتب بعضكم بعضا ايحب احدكم ان ياكل لحم اخيه ميتا فكرهتموه صدق الله العظيم
لا تسعى لاذية الناس علشان منصب ولا لقمة مسمومة على حساب لحم اخوك
اتق الله وابعد عن اذية الناس يبارك لك الله في عمرك وزوجك واولادك وتبقى قريب من الله ورسوله والناس اجمعين
ليست هناك تعليقات:
إرسال تعليق