ارفع عن نفسك البلاء!!!

اللي يعرف بلوة غيره تهون عليه بلوته!!!!!!!!!!
الحقيقة كلنا في امتحان ومحن وابتلاءات
تلاقي اللي ابنه معاق او عاق قرفة في عيشته
ولا  اللي معندوش عيال اصلان زعلان وحزين
او بنته انسة محصلش لها نصيب في الزواج
او اللي ساب وظيفته ونفسيته تعبانه
ولا مريض مش قادر يتحرك
ومحدش بيسال عليه ولا عيال ولا قرايبه
ولا اللي مغترب علشان اكل العيش وسايب زوجته واولاده
هكذا الدنيا
سواء كنت مع الحق او ضده هتبتلى وتختبر
طب متخليك مع الحق انصره ولو حتى بكلمه
متسبش الظالم يتجبر ويسود
متسبش الفاسد يبرتع ويخرب
خليك ايجابي خليك حر قلبك على الحق
قلبك على رضا الله
عارف ساعتها هيرفع عنك البلاء
وقد يظن الناس انك وقعت فيه
لأ الله معك يسمع ويرى
اهل الكهف قالوا كلمة الحق
فروا بدينهم لمكان مظلم لا حياة فيه
سابوا العز والجاة علشان لا اله الا الله
فستحقوا معية الله لهم وتأييده
الم تسمع قول الله تعالى
وَإِذِ اعْتَزَلْتُمُوهُمْ وَمَا يَعْبُدُونَ إِلَّا اللَّهَ فَأْوُوا إِلَى الْكَهْفِ يَنشُرْ لَكُمْ رَبُّكُم مِّن رَّحْمَتِهِ وَيُهَيِّئْ لَكُم مِّنْ أَمْرِكُم مِّرْفَقًا
ينشر الله لهم الرحمه والسكينة والنصر في الكهف المظلم
فستحقوا التخليد والذكر والمثل والقدوة لنا جميعا الى يوم القيامة
كلمة حق قالوها
فستحقوا معية الله ووقوفه بجوارهم ونصره وان بدا لك انهم مهزمون مقهرون
كن مع الله بكلمة حق يرفع عنك البلاء في نفسك واهلك وتفوز بظل الرحمن فكن على يقين