احسبها واعرف رصيدك
عمرك حسبتها مع نفسك ايوة يعني سرحت كده مع نفسك وحاسبتها انا النهارده كدبت كام مرة جبت في سيرة الناس وذمت في ده وده عملت شغلي بجد ولا قلت للناس فوتوا علينا بكرة حد طلبك تشهد الحق وتنكرت له فاكر اليوم اللي اخذت فيه رشوة فاكر لما قرفت الناس علشان مدكش رشوة فاكر لما استخسرت تصرف على عيالك علشان زعلان مع مراتك فاكر لما كشرت في امك وزعلتها منك فاكر لما عيت واستخسرت تعالجها في مستشفى محترمه مع انك معاك فلوس طب فاكر لما اذت زميلك علشان تاخد مكانه ولا فاكر لما سمعت الفجر ومقمتش تصلى فاكر فاكر
اسمع الآية الجميلة: ﴿اقْرَأْ كِتَابَكَ كَفَى بِنَفْسِكَ الْيَوْمَ عَلَيْكَ حَسِيبًا (١٤) ﴾
هتقرا كتاب هتقرا ذنوبك بس وانت في يد الله مفيش ملحق الحق نفسك الان حاسب نفسك الان وأنت حى ترزق استعد ليوم الامتحان وكفى بنفسك اليوم عليك حسيبا
ليست هناك تعليقات:
إرسال تعليق