الفراق

الانسان يعيش حياته مرعوب
من ان يفقد حبيب او صديق او ابن لا قدر الله
اذا لم يفارقك هو  فقد تفارقه انت
هذه هي الحياة فراق
فلا تحزن على فراق رمضان
اليوم يرحل عنك وغدا ترحل انت عنه لا قدر الله
حب وتمسك بالباقي الذي لا يزول
كل من عليها فان ويبقى وجه ربك ذو الجلال والاكرام
اجعل الله مقصدك ورجاءك
فقد يمر عليك رمضان ورمضان ولا تعتق من النار
وفي لحظة تقبل لو كان عملك له وحده
جدد النية وعيش للباقي
عسى ان يقبلك
فقد لا تدرك رمضان القادم
ولكن قد تدركك رحمته باخلاصك وحبه لله رب العالمين

خبط على بابه

لو بتحب حد مش هتوده
مش هتسأل عليه
مش هتنهز فرصة او مناسبة
وتجيب له هدية علشان تعبر له عن حبك
طب لو حس انك بتحبه
مش هيبادلك نفس الحب
ويمكن يردلك الحب بحب اكبر
مجربتش تعمل ده مع ربنا
تتقرب اليه تذكره تصلي له
تمسح على راس يتيم تزور مريض
تجري في حاجة ملهوف
تسأل تتصدق على محتاج
جرب تعمل عمل خير من اجل ربنا
عايز تقوله انا بحبك يا رب

عارف ساعتها

ربنا هيباهي بك الملائكة

عبدي بيحبني خرج لزيارة اخوه

علشان بيحبني
سال على عمه ولا خاله علشان بيحبني
الم تسمع حديث رسول الله
اذا تقرب مني شبرا تقربت منه باع
حتى يصل ومن آتني يمشي اتيته هرولة
خبط على بابه سيفتح لك فتحا عظيما
يمحو به ذنوبك وان  بلغت اعنان السماء
اذكره يذكرك فبذكره تطمئن القلوب

الحمد

تخيل صديق اسدل لك معروف

او فرج عنك كربة

او عينك في بنك مثلا

هه هتشكره ولا هتنفض ؟ اكيد هتشكره

وهتفضل طول عمرك تدعيله

مهو ده من شيم الرجال اللي عندهم اصل
لا ينسو معروف!!
طب الله اللي احتضنك ورعاك
وانت طفل صغير وصبر عليك لحد ما بقيت صبي
ورزقك الصحة والعقل
واعطاك عطاء لا يقدر او يفكر ان يعطيك احد مثله
هتشكره على نعمه؟!!
الحمد لله
انك انت الله
لا يوجد لك شريك فيقصو علينا
ولا ابن فتضن علينا من حبك وعطياك
رحيم بنا وان شردنا
تقبل بتوبتنا فورا بلا شروط
لو لنا حاجة لا نسال غيرك
فغير يذلنا
الحمد لله انك وحدك تحاسبنا
فلن تقصو علينا
فانت الرحمن الرحيم
انت من قلت في كتابك
لان شكرتم لازيدنكم
الحمد لله وكفى
الحمد لله ابدا ابدا
كلمه بسيطه تقربك من مالك الملك
فلا تنساها فينساك يوم القيامة!!

قدرك عند الله

قدرك وقيمتك عند زوجتك
يزيد باهتمامك بها وباولادك
وقدرك عند الناس يزيد بعطاءك واحساسك بهم

وقدرك وقيمتك في عملك يزيد
بعطاءك واخلاصك لمؤسستك وتفانيك في تطوير اداءك

وقدر عند الله يزيد بورعك وبذلك وعطاءك ونقاء قلبك واعماره بالايمان
قدرك  سيفردك الله  بليلة

تعلى قدر وترفع منزلتك عنده
في اعلى عليين
ليلة القدر لمن قدره الله
واختاره لينال هذه المنزله
وقدر له الفوز العظيم
ليلة عظيمه تتفرد بنزول القرآن
ليلة ينزل فيها آيات ووعد لمن لا يخلف وعده
وعد بثواب اكثر من الف سنة
ولو كان العرب يعرفوا اكثر من الالف لذكره لهم
ليلة من قدره الله
فاز بها فوزا عظيما
لو مات فليس له طريق الا الجنة
فتمسكوا بها واحرصوا عليها بالصلاة والذكر
عسى ان يعفو عنا  من يحب العفو
يعفو عنا الرحمن الرحيم!!

كيف تربي ابنك

بعض الناس بتهين ولادها
وبايدها بدخلهم النار
مع انهم فاكرين لما يجبلوهم كل حاجة
ويستجيبوا لكل طلباتهم يبقى كده بيحبوهم
ممكن يدخلوهم مدارس اجنبية

ممكن يصرفوا عليهم ملايين
وفاكرين كده انهم بيستثمروا في ولادهم

زمان سمعت شيخ فاضل يحكي

ان ست جاءت له
واشتكت من بنتها الصغيرة بانها عاصية عليها

ومبتسمعش كلامها
قال لها سؤال بتأكليها حرام ؟!!

قالت انا اعمل دادة وكنت باخذ سندوتشات الاطفال واديها لبنتي
قال يعني بتاكليها حرام
انت كده مش بتاكليها انت بتسمي ضناكي
الم تسمعي قول رسول الله
كل لحم نبت من حرام النار اولى به
وقول الله تعالى يا ايها الذين آمنوا قوا انفسكم واهليكم نار وقودها الناس والحجارة
عايز تستثمر في ولادك اكلهم حلال
متظلمش نفسك وتظلمهم معاك
فتسمنهم لتسعر بهم نار جهنم
فسيكون عذابك ضعفين
تحرى الحلال علشان ضناك !!!
تنال مرضاة الله وتسعد ببر ابنك المطعم من حلال
ابشر فسيبر بك !!

اشكره وارضى بقدره

نعم الله علينا لا تحصى
جعل لنا عينين ولسان وشفتين وعقل راج
ورزقك بزوجة طيبة واولاد وعمل
وحرم غيرك عارف ميزك بكل ده ليه ؟!!
عسى ان تعبده حق عبادته
لعلكم تتقون
وقد يقدر عليك رزقك
عسى ان  تقترب منه لما تحس بالحاجة
فيسمع دعاءك ويسمع الحاحك عليه
عسى ان تعبده حق عبادته
لعلكم تتقون
لا تنسى الله لا تنسى ذكره
لا تنسى شكره في السراء
فيقف جنبك في الضراء
الم تسمع قول الله تعالى
ونبلوكم بالشر والخير فتنه
نبلوكم لنمحصكم ونثقلكم
لتقتربوا من الله
وينقيكم من الذنوب والخطايا
فشكروه واحمدوه
فهو لا يريد لنا الا الصلاح
فتمسك به فليس لنا طريق الا طريقه
طريق يوصلنا للجنة!!

الثقة بالله

قد تتعرض لمشاكل في شغلك
مع زوجتك مع رئيسك
مع صاحب البيت
او رزقك يقل
بتبقى حزين مضطرب

بتفقد الامل في الحل

بتحس ان ربنا مش شايفك
مش سمعك
اصحابك بيتجاهلوك محدش شاغل نفسه بمشاكلك
بس اللي يشوف مشكلة غيره تهون عليه مشكلته
السيدة مريم التقية المصلية العابدة الواثقة بمعية الله لها
تلد طفل بدون اب
فتقول  وهي. في آلام ألولادة بحسرةوضعف
لان المسؤولية عظيمة والكرب شديد
لا يتحملة اعتى الرجال
يا ليتني مت قبل هذا وكنت نسيا منسيا
عندما يشتد الكرب وتحس ان الدنيا اديتك ظهرها
اعرف وتاكد ان الفرج سياتي مع الضيق
ينطق الطفل فور ولادته ليثبتها ويطبطب عليها

بحب ورقة

فنادها من تحتها الا تحزني
قد جعل ربك تحتك سريا وهزي اليك بجذع النخل تساقط عليك رطبا جنيا فكلي واشربي وقري عينا صدق الله العظيم
عندما يشتد بك الكرب سياتي معه الفرج
اهم حاجة اخلص له في الدعاء
ياتي فرج ورحمه تبهرك وتقر قلبك وتسعدك دنيا وآخرة
ثق بالله !!!

الرجولة

الراجل

مش ابو شنبات كبيرة

ولا عضلات مفتولة
ولا صوته عالي

ولا بيضرب مراته
وبيبوق في امه
ومبيساعدش مراته وامه في البيت
الراجل هو اللي يكون في حاجة اهله

الراجل هو اللي بيتحمل المسؤولية

عارف ارجل الناس

اللي نزل فيهم قرآن يتلى الى يوم القيامة

رجال آتوا من المدينة وتحملوا مشقة السفر

آتوا الى رسول الله وهو في اشد حالات ضغفه

آتوا يساندوه ويبايعوه على السمع والطاعة

وعلى مناصرة الاسلام ومحاربة الرومان والفرس ذي امريكا وروسيا دلوقتي
والمقابل مش منصب ولا فلوس ولا عزوه
المقابل الجنة

يبايع سبعين رجل وامرأتان
فتنزل الايات المؤيدة والمزكية لهذه البيعة
ان الله اشترى من المؤمنين انفسهم واموالهم بان لهم الجنة
صدق الله العظيم
انصر الحق وقت محنته
انصر اخوك وقت شدته
انصر ابوك وقت ضعفه
انصر زوجتك وقت احتياجها لك
تكن ارجل الناس وتتشبه برجال ضن علينا الزمان ان ياتي امثالهم
فتسعد باحترام الناس ومرضاة رب الناس

الامانة

الامانة ليس لها حدود
كتمان السر امانة
حرصك وانتظامك في عملك والابداع فيه امانة
رد السلفة امانة
حفظ حاجات الناس وردها عند طلبها امانة
جريك على عيالك واطعامهم حلال امانة
شهادتك بالحق امانة
حفظ السر امانة

عارف اهم امانة
خلقك الله علشانها عبادته
وتبليغ دعوته للعالمين
اجعل لا اله الا الله امامك وخلفك  وهمك
لتوصلها للعالمين
الم تسمع قول الله تعالى
ان عرضنا الامانة على السماوات والارض والجبال فابينا ان يحملناها واشفقنا منها وحملها الانسان ان كان ظلوما جهولا
تقصيرك في حملها
وانا مالي
خليني في حالي
هو انا هصلح الكون
يصفك الله انك ظالم جهول
اللهم اجعلنا عند حسن ظنك نبلغ دعوتك
بان نصلح انفسنا واهلنا
واطفالنا واطفال المسلمين
بلا اله الا الله محمدا رسول الله

ذكر الله

بتبقى مبسوط قوي لو حد قالك انه ذكرك بالخير
طب تخيل مديرك ذكرك بالخير وسط الموظفين
اكيد سعيد جدا ونفسك تخدمه بعنيك
مهو ذكرك
طب اقولك حاجة
اية رايك لو سمعت ذكر الله
امتى قلبك هيخشع لذكر الله
وتتاثر وتبكي من كلام ربنا
امتى جوارحنا هتتكسف وتنكسر من ذكر الله
امتى نسمع كلام الله ونبكي من الحب والخشوع لله
الم تسمع قول الله تعالى
الم يأن للذين آمنوا ان تخشع قلوبهم لذكر الله صدق الله العظيم
آن الان ان نسمعك كلامك يا الله فينبض القلب حب وايمان وخشوع وورع لك وحدك
فتدمع العين فتغسل ذنوبنا وتنقذنا من عذاب الله

اطلب لقاء الله

تخيل امير او مسؤول كبير
حدد ميعاد تقابلة فيه  ٥مرات يوميا لمدة عشر دقائق في المرة
بس لو قابلته هيحل لك  كل مشاكلك اين كان حجمها

هتاقبله؟!! اكيد
ومش بعيد تبات امام بيته علشان تبقى اول واحد

ويمكن يمر ايام كثييييير ومتقدرش تقابله

طب اية رايك لو ملك الملك حدد لك وقت معين تقابله فيه وتطلب اللي انت عايزه مفيش سكرتارية ولا وسطه

هتروح ولا هتكسل
وتقعد لحد الماتش ما يخلص
ولا شغلك يخلص
بس الوقت ده ربنا هيبقى حاضر ومركز معاك

ما انت جيت في الوقت المناسب
الم تسمع قول الله تعالى
ان الصلاة  كانت على المؤمنين كتابا موقوتا
امر من الله
لو انصعت له

هتسعد في الدنيا والآخرة
ويفتح الله عليك بركات ورحمه من الله

عمرك

مالك كده مقضيها قهاوي
ولا متنح امام التليفزيون
ولا نايم طول النهار ومبلد
ولا بتلعب كوتشنة وسرحان
اية يا عم الوقت الضايع ده؟!!
بنحرق في الوقت!!
ايام وبنقضيها!!
انت عارف ان عمرك كام ساعة !!
لو خلصوا يبقى انتهت بلا عودة
الم تسمع قول الله تعالى
ربي ارجعون لعلي اعمل صالحا فيما تركت صدق الله العظيم

وعمرك مش هيرجع تاني
اوعى تضيع لحظة من عمرك بدون ذكر الله
بدون مساعدة فقير
بدون جري في حاجة ملهوف
متاخرش صلاة ولا زكاة
عمرك حياتك لو ضيعته ضعت!!

الوالدين

والدك مالك مش طايق منه كلمه ليه

ووالدتك بتكلمك بتنفضلها وكأنك مش سامعها

همه علشان بيحبوك وخايفين على مصلحتك تهنهم!!

ممكن يقبلو منك الاهانة وانت طفل او صبي

لكن لما تبقى شاب احترس فاهانتهم تدخلك النار
فهم ضعاف يحتاجوا عنايتك في وقت قوتك

الم تسمع قول الله تعالى
اما يبلغن عندك الكبر احدهما او كلاهما فلا تقل لهما اف ولا تنهرهما
اوصى الله سيدنا عيسى 
وهو النبي منذ ان كان طفلا
ان يبر بوالدته
قال تعالى وبرا بوالدتي صدق الله العظيم
يا بخت اللي له ام او اب فيحسن اليهما
ويطول باله عليهم ولا يتركهم لزوجته او الشغالة تهنهم
فلن يغفر الله لك وان صليت وزكيت!!

القرآن قانون الحياة

تخيل القرآن العظيم
يحكي لنا الله بنفسه
بكلمات رقيقة بسيطة
تاخذ بيدنا من الظلمات الى النور
نقرأها فنزداد ايمان وورع وعلم من الله رب العالمين
كلمات نحصد على حسها حسنات كالجبال
كلمات تهدي الضال والعاصي والغافل الى طريق الحق
كلمات تشفع لنا يوم القيامة
كلمات تثبت ايمانا
اجعله صديق لك يؤنس وحشتك في الدنيا والاخرة
تدبر معانيه
وكأنه نزلك لك وحدك
اجعله قانونك في الحياة لك ولاولادك
في الميراث في الطلاق في التربية في اصلاح المجتمع
الم تسمع قول الله تعالى
افلا يتدبرون القرآن ام على قلوب اقفالوها
اللهم اجعنا قلوب بيضاء نقية مفتوحة
تتدبر القرآن وتعمل به لاصلاح الدنيا والاخرة

النصيحة

النصيحة دائما تقيلة على النفس
ولكن حسن القاءها في الوقت المناسب وباسلوب ذكي تثمر
فلو النصيحة لم يترتب عليها تغيير  ايجابي فلا داعي لها
حصل لي شخصيا كان لي زميل حريقة سجاير حتى في العمل يشرب في الحمام بسرعة مزرية
فتقربت منه ولم انقضه او اوجه له لوم لان كلامي هيجرحة ويكرهه فيه كمان  ويمكن يقولي انت مالك
عرفت انه ليس عنده اولاد من اكثر من سبع سنوات جواز
وراح لكذا دكتور  ولكن لا فائده
قلت له علاجك عندي قال اذاي قلت له بطل السجاير هترزق بالاولاد
اترك ما يغضب الله لمرضاة الله
يقر الله عينك بما تحب
معصيتك تحجب عنك الخير
فعلا قرر في رمضان انه سيتوقف عن شرب السجاير وكأنه حلم والله ده حصل
بعد شهرين لما تأكد الله من صدقه مراته حملت وكانت الفرحة الكبرى وزق بطفل تاني كمان
نصحتك اجعلها لينه وانتهز حضور قلب من تنصحه وقول له كلام يمس كلبه ويفهمه وان لم تجد فانتظر الوقت المناسب
الم تسمع قول الله تعالى
فقولا له قولا لين لعله يتذكر او يخشى صدق الله العظيم
والمؤمن كيس فطن
فاحسنوا عرض بضاعتكم يحبكم الناس وان كرهوكم!!

الايجابية

ناس كثير ترى الخطأ
وتعمل نفسها مش شايفة
تشوف الفاسد بيفسد وتقولك انا مالى هجيب وجع الدماغ ليه ليه !! تشوف المظلوم ولا تشهد معه من الخوف ترى الرشوة امام عينها ولا يتمعر وجهها في سبيل الله ده حتى لو شافوا عيل بيتلف مال عام تقولك خربانه خربانه لا تبدي نقد او نصيحة لزميله او رئيسه في العمل
كده انت كالانعام او اضل سبيلا
الم تسمع قول الله تعالى
ان هم الا كالانعام بل هم اضل سبيلا صدق الله العظيم
كن كمؤمن آل فرعون
مؤمن يكتم ايمانه
مستشار فرعون
عندما سمع فرعون يعلن قتل سيدنا موسى على الملا
نطق لسانه بالحق اتقتلون رجلا ان يقول ربي الله
مهمهوش جبروت فرعون
همه نصرة الحق
قالها فخلد ذكره في القرآن بآيات تتلى الى يوم القيامة
تعملنا ان الحق يعلو و لا يعلى عليه

قولها ولا تخف فقد تكون طريقك الى الجنة

الصدقة

بعض الرجل فقراء محتاجين

ونفسهم ينفقوا ويتصدقوا على الفقراء
ولكن ما باليد حيلة
لأ تقدر تتصدق وتقدر تنفق
نشر العلم صدقة
افشاء السلام صدقة
الجري في حاجة الناس صدقة
مسحك على راس يتيم صدقات لا تعد
عارف لو امط الاذى عن الطريق ووسعت للناس صدقة
طب الاجمل لو تبسمت في وجه اخيك صدقة
انشر الابتسامة تسع كل الناس
الم تسمع حديث رسول الله
انكم لا تسعون الناس باموالكم ولكن يسعهم بسط الوجه وحسن الخلق
صدق رسول الله صلى الله عليه وسلم

رقيب عتيد

بعض البنات تردد كلمات اغاني
عربي وانجليزي بدون مبرر وفي اي وقت 
طب لو غنينا بكلمات ذات قية كلمات تاخدي عليها حسنات
مثلا سبحان الله خالقي والحمد لله رب والله اكبر يا الله
ابدعي في اختيار كلماتك واحصدي حسنات
الم تعلمي قول الله تعالى
ما يلفظ من قول الا لديه رقيب عتيد
حتى الهمسه هيكتبها الملك
فجعليه يسعد من كتابة الحسنات!!

سيدنا يوسف يبلغ دعوته

سيدنا يوسف
الصادق الشريف العفيف
يدخل السجن ظلما  بتهة مخله
والفسدة طلقاء لا رادع لهم
ومع ذلك بشاشته واحسانه وخدمته وتعليمه للناس لا تنقطع شايل هم دعوته وهو في اشد المحن.
جاءه رجلان يسالنه في امر يحيرهم  لم يمتنع عن اجابتهم ولكن انتهز الفرصة وهو المظلوم
ليبلغهم دعوة ربنا قبل ان يجبهم
اني تركت ملة قوم لا يؤمنون بالله وهم بالاخرة هم كافرون صدق الله العظيم
هكذا الداعية سيتعرض للسخرية والتجريح والسجن ولكن دعوته في قلبه لا يتنازل عن تبلغها للعالمين

الثقة في الله

سيدنا يوسف الطفل الجميل الورع الصالح

يعيش طفولته خادم عبد حتى شبابه

ويسجن بضع سنين على الرغم
انه من المقربين المصطفين من الله رب العالمين 

فيصفه الله رب العالمين  انه من عبادنا المخلصين

ويصفه في وضع ثان وكذلك نجزي المحسنين

فففرك وضعف وسجنك ومرضك وفقدك لوظفتك او ابنك العاق ليس علامه ان الله لا يحبك

ولكن قد يبتليك الله

كما ابتلى احب الناس له

ليرفع منزلتك عنده

ويجعلك من المصطفين الاخيار!!

احترس من الشيطان

تخيل ابليس يخطب في قومه

احترسوا ايها الشياطين بعد عام من الآن

سياتي شهر مضان

شهر عظيم تتنزل فيه الرحمه والسكينة

ويغشى الانسان بهالة من الخشوع والورع لله رب العالمين

يحصد بني آدم حسنات كالجبال

وتمحى كمان ذنوبه كلها

قلبه يذوب عندما يسمع القرآن

يحب بني آدم الصدقة وعمل الخير وافطار الصائمين

اوله رحمه واوسطة مغفرة وآخره عتق من النار

سنسلسل في رمضان
ولا نستطيع ان نمكر او نوسوس لبني آدم

علشان كده لازم نتحالف مع شياطين الانس
ليقوموم بالدور ده بدلا منا

من الان نوسوس لهم

لعمل الافلام. المسلسلات والبرامج

لنلهيهم عن ذكر الله
لنفوت عليهم الثواب العظيم !!

قلوب قاسية

مالنا اية اللي حصلنا
نسمع آيات الله تتلى وكأن لم نسمعها

نسمع اوامر الله وكأنها لاحد تاني

او كأنها تاريخ او حكايات للتسلية  
لا نتأثر بكلام الله نتكلم بالحق ونوعد ولا نوفي

نحلي بضاعتنا ونستر والعيوب
نخون ولا نظهر ما في القلب .
لا نصل الرحم لا ننفق في سبيل الله لا نشفق على الفقير
قلوبنا قاسية جامدة
لو احنا كده يا ويلنا يا حسرة علينا
احنا كده على خطر عظيم مسلمون بلا ايمان

علشان كده فرض الله علينا الصيام لينقينا من الشوائب
لنجدد العهدمع الله
يا ايها الذين آمنوا كتب عليكم الصيام كما كتب على الذين من قبلكم لعلكم تتقون
فلنجدد العهد مع
الله
ونخرج من رمضان بقلب عامر بالايمان

يتاثر ويستجيب لاوامر الله
فهذه هي التقوى

التي يريد الله ان نلزمها
تقوى تجعلك تسمع آيات  وكأنها انزلت لك وحدك!!